Tapuykuna

◼ ¿Pikunan Internetpi otaq cupón nisqapi mañakunanku ima qelqatapas otaq Testigokuna visitanankupaqpas?

Yaqa llapa qelqakunapin cupón nisqa lloqsimun ima qelqatapas chaskikuyta munaspa mañakunankupaq otaq Jehová Diospa testigonkuna visitanankuta munaspa qelqanankupaqpas. Hinaspapas Internet (www.watchtower.org) nisqaman haykuspan qelqakullanmantaq huk Testigo estudiota qonanpaq. Askha runakunan chaykunapi qelqamurqanku chhaynapin cheqaq kaqmanta astawan yacharqanku. Ichaqa pipas amigonpaq otaq mayqen familiankupaqpas mañakuqtinkuqa sasachakuykunan kanman.

Wakin runakunamanqa mana mañakushaqtinkun qelqanchiskuna wasinkuman chayan, hinaspan obligasqa hina sientekunku phiñakunkutaqmi direccionninta mana siminkumanta hap’isqanchiswan. Hinaspapas visitanapaq mañakusqankuta iñiqmasinchiskuna atiendeqtenkun phiñakunku mana paykunachu chayta mañakusqankurayku, visitaqkunataq sasachakuykunapi tarikunku. Chaymi Internetpi cupón nisqapipas mana mayqen Testigopas huk runakunaq sutinta qelqananchu. Chaskiyta munaspaqa pay kikinmi chayta ruwanan. Pipas hukpa rantinpi qelqakunata mañakun chayqa, Betelpi llank’aqkunaqa manan chay qelqakunata apachimunqakuchu.

Chhaynaqa, ¿imaynatan familianchista otaq pi reqsisqanchistapas yanapasunman Diosmanta yachanankupaq? Sichus ima qelqatapas qoyta munanki chayqa, qanmi huk regalota hina apachiwaq. Astawan Bibliamanta yachananpaq pi Testigopas visitananta munaqtinqa, iñiq t’aqapi umallikunaman willay, paykunañan pitapas ninqaku visitanankupaq. Mana chay atikuqtinqa Sírvase visitar (S-43) nisqa hojachata hunt’ay, iñiq t’aqapi secretarioman chay hojachata qoy, payñan allinta qhawaruspa Betel wasiman apachinqa. Hinaspapas ama Betel wasimanqa qelqaychu carcelpi kaqpa sutinpi nitaq drogakusqanmanta qhaliananpaq institucionpi otaq hospitalpi kaqpa sutinpipas. Aswanpas kallpachay chay institucionman visitaq iñiqmasinchiskunawan parlananpaq otaq pay kikin Betel wasiman qelqananpaq.