Imarayku allinpuni. Sichus Bibliamanta astawan yachay munaq runakunata tarinchis chayqa, hukmantan kutinanchis sonqonpi tarpusqanchis muhuta qarpanapaq (1 Cor. 3:6). Chaypaqqa manaraq ripushaspan tapusunman: “¿Hayk’aqtan munawaq kutimunayta?”, nispa. Hinaspapas imamantachus parlarinapaqmi huk tapuyta saqenanchis chaypi yuyaymanashananpaq. Sichus saqesqanchis qelqa chay tapuyta kutichishan chayqa yaqapaschá leenqa. Huk tapuyta saqesqanchismi yanapawasun kutispa chay runawan facil-llata parlarinanchispaq. Paywan hukmanta tupaspan nisunman: “Qayninpan huk tapuyta saqerqanchis, chayta kutichinapaqmi hamushani”, nispa.