Tukuy sonqowan llank’asun Jesuspa wañupusqanta yuyarina killakunapi
1. ¿Imatan askha iñiqmasikuna ruwanku Jesuspa wañupusqanta yuyarina killakunapi?
1 Jehová Diosqa tukuy sonqonwanmi llank’ashan munaynin hunt’akunanpaq. Chaymi Biblia nin: “Chaytaqa ruwanqa Tukuy-atiyniyoq Señor Diosmi, ancha sienteq munakuq kaspa”, nispa (Is. 37:32). Jesuspas tukuy sonqowanmi Jehová Diosta servirqan (Juan 2:13-17; 4:34). Jehová Diosta Jesusta qatikuspan, pachantinpi askha iñiqmasikuna Jesuspa wañupusqanta yuyarina killakunapi astawan predicanku. ¿Munawaqchu qanpas chay killakunapi Diosta astawan serviyta?
2. ¿Imatan llapallanchis tukuy sonqowan ruwasun 7 marzo p’unchaymanta?
2 Llapa runakunata invitamusun: 7 marzo p’unchaymantan llapallanchis runakunaman invitamusun Jesuspa wañupusqanta yuyarinapaq. Ama qonqasunchu llank’aqmasinchiskunata, familianchiskunata, estudiaqmasinchiskunata, revisita ruwasqanchis runakunatapas. Invitasunmanmi jw.org nisqawan yanapachikuspa otaq invitacionta qospa. Sichus makilla tukuy sonqowan predicasun chayqa, tiempollanpin predicananchis territoriota tukusun.
3. ¿Imatan ruwasunman marzo, abril killakunapi?
3 Precursor auxiliar: Tukuy sonqowan llank’ayta munasqanchismi tanqariwasun predicananchispaq. Marzo, abril killakunapiqa precursor auxiliar kayta munaqkunan 30 horallata ruwankuman. Familiaykichiswan otaq sapaykichis estudiaspan Diosmanta mañakuwaqchis precursor kanaykichispaq (Prov. 15:22). Hinaspapas astawan llank’ay munasqaykita hukkunaman willariy paykunapas kallpachakunankupaq. Chay killakunapi astawan predicanaykipaq kallpachakuspan Jesuspa ruwasqanta qatikunki (Mar. 6:31-34).
4. ¿Ima bendicionkunatan chaskisun astawan predicasqanchismanta?
4 Sichus kallpachakusun chay killakunapi astawan predicanapaq chayqa, askha bendicionkunatan chaskisun. Jehová Diospas Jesuspas anchatan kusikunqaku. Predicasqanchispin askha runakunawan tupasun. Kusisqataqmi kasun Jehová Diosta servisqanchismanta, runakunata yanapasqanchismantapas (Hech. 20:35).