¿Kallpachakuwaqchu precursor auxiliar kanaykipaq?
1. ¿Imaraykun allin kanman Jesuspa Wañusqan Yuyarina p’unchaypi astawan predicay?
1 Predicayninchista astawan mast’arinapaqqa Jesuspa Wañusqan Yuyarina p’unchaykunapin allin kanman yanapakunapaq. Chay p’unchaykunapin astawanqa yuyaymanasun Jehová Diospa munakuyninpi ñoqanchisrayku Churinta kay pachaman kachamusqanmantapas (Juan 3:16). Sonqomanta agradecekusqanchismi tanqawasun Jehová Diosmanta runamasinchiskunaman willanapaq llapa runakunapaq imaymana ruwasqanmantapas (Is. 12:4, 5; Luc. 6:45). ¡Maytan munanchis vecinonchiskunata, familianchiskunata, reqsisqanchiskunatapas chay p’unchaypaq invitayta! Chay qhepamantaq chay huñunakuyman riqkunata kallpachashanallanchis astawan yachayta munashanallankupaq. Chhaynaqa, ¿manachu marzo, abril, mayo killakunapi precursor auxiliar kayta munawaq?
2. ¿Imaraykun marzo killa allinpuni kanqa astawan predicanapaq?
2 Marzo killapi astawan predicay. Chay killaqa allinpunin kanqa precursor kanapaq, ¿imarayku? Chay killapi 30, 50 horata ruwanaykipaq akllakuyta atiwaq. Sichus watukuq umalli chay killapi iñiq t’aqata watukamunqa chayqa, precursorkunaq huñunakuyninkupin precursor auxiliarkuna kanqaku tukukuykama. 1 marzo killamantapachan Jesuspa Wañusqan Yuyarina p’unchaypaq invitacionta rakikunqa. Hinaspapas marzo killapiqa 5 sabadokuna domingokunapas kanqa, chaymi chay killapi allinpuni kanqa astawan predicanapaq.
3. ¿Imakunatan ruwawaq astawan predicanaykipaq?
3 Kunanmantapacha allichakuy. Kunanmantapacha horarioykita qhawarinki chayqa, atinkin precursor hina yanapakuyta. Sichus familiaykiq yanapayninta necesitanki chayqa, Diosta Yupaychana ch’isipi chaymanta rimariwaqchis imakuna aypay munasqaykichismanta, hinaspa huk horariota ruwawaqchis (Prov. 15:22). Precursor auxiliar kayta mana atiwaqchu chayqa ama llakikuychu, predicacionman lloqsispaykin huk chikantawan qhepakuwaq. Hinaspapas semanapi huk p’unchayllapas lloqsillawaqtaqmi.
4. ¿Ima bendicionkunata chaskisun marzo, abril, mayo killakunapi astawan predicasqanchismanta?
4 Sichus marzo, abril, mayo killakunapi astawan predicayninchista mast’arisun chayqa, ancha kusisqan kasun Jehová Diosta runamasinchistapas servisqanchismanta (Juan 4:34; Hech. 20:35). Astawanqa Jehová Diosmi kusikunqa imaymanata ruwaspa chay llank’aypi yanapakusqanchismanta (Prov. 27:11).