Jehová Diospaq takikunaqa kallpachawanchismi

Pablowan Silaswanmi Jehová Diospaq takikunata takiranku carcelpi kashaspanku (Hech. 16:25). Kay tiempokunapipas iñiqmasinchiskunaqa takirankun sasa llank’ana Sachsenhausen campopi, Alemania nazi nisqapi. Chaymantapas takirankun Siberiaman apasqa kaspanku. Chay ejemplokunan rikuchiwanchis takikunaqa pruebakunapi tarikuqtinchis yanapawasqanchista.

Mosoq takina Jehová Diosman kusisqa takisun libronchisqa lloqsimunqañan askha simikunapi. Chay takina libro chayamuqtinqa familiantin Diosta adorana juñunakuyninchispin practicasunman, umallanchismanta takinapaq (Efes. 5:19). Chhaynapi pruebakuna chayamuqtinqa santo espíritu yanapawasun letranta yuyarinapaq. Diospaq takikunaqa suyakuyninchispin piensachiwanchis, kallpatataq qowanchis chay pruebakunata atipanapaq. Jinaspapas allillan kashanchis chaypas, sumaq letrankunan yanapawanchis sonqomanta “Jehová Diosman kusisqa” takinanchispaq (1 Crón. 15:16; Sal. 33:1-3). Chayrayku tukuy atisqanchista ruwasun takikunata allinta yachananchispaq.

ÑAUPAQLLAMAN PURINANKUPAQ KALLPATA QOQ TAKI NISQA VIDEOTA QHAWASPA KAY TAPUYKUNATA KUTICHIY:

• ¿Imaynapi tarikushaspan hermano Frost juj takita ruwaran?

• ¿Imaynatan chay taki Sachsenhausen campopi iñiqmasikunata kallpacharan?

• ¿Imakunapi tarikuqtiykin Diospaq takikuna kallpata qosunkiman?

• ¿Ima takikunatan umaykipi jap’iyta munawaq?