Lotpa esposanta yuyariychis

¿Imaraykun Lotpa esposan qhepata qhawariran Sodoma llaqtamanta lloqsimushaqtinku? Bibliaqa manan willanchu (Gén. 19:17, 26). Ichaqa yaqachus jina kaqninkunata extrañaspa qhepata qhawarinman karan (Luc. 17:31, 32). ¿Imatan ruwananchis ama Lotpa esposan jina Jehová Diosmanta t’aqakunanchispaq? Manan kaqninchiskunachu noqanchispaqqa aswan importante kanan (Mat. 6:33). Jesusmi yachachiran: “Manan ‘iskay patrontaqa serviyta atiwaqchischu’”, nispa (Mat. 6:24). Chhaynaqa, qhapaq kaykunallapi nishuta ocupakushasunman Diosta servinapaqtaq manaña tiempo aypawashasunmanñachu chayri, ¿imatan ruwasunman? Jehová Diospa yanapaynintan mañakunanchis ima cambiokunatan ruwananchis kanqa chayta qhawarinapaq.

LOTPA ESPOSANTA YUYARIYCHIS NISQA VIDEOTA KINSANTIN PARTETA QHAWASPA, KAY TAPUYKUNAMAN KUTICHIY:

• 

  Jujkunaq askha qolqeyoq kananpaq Gloriata tanqasqanku, ¿imaynatan afectaran piensayninpi rimayninpi ruwayninpipas?

• ¿Imatan yachanchis Lotpa esposanmanta?

• ¿Imaynatan yanaparan Bibliamanta yachasqan Joelta familiantapas?

• ¿Yanaparankuchu Anata llank’ananpi compañeronkuna Jehová Dioswan allinpi kananpaq?

• ¿Imaraykun kallpata necesitanchis Jehová Diosta ñaupaqman churananchispaq?

• ¿Imatan ruwaranku Brayanwan Gloriawan jujmanta Jehová Diosta ñaupaqman churanankupaq?

• ¿Mayqen textokunan allinpuni karan kay videopi?