“Pabloqa Diosman graciasta qoran, anchatataq kallpachakuranpas”

Pabloq jamushasqanta yachaspan Roma llaqtapi kaq hermanokunaqa wakinqa 64 kilómetrotaraq (40 millas) viajaranku Pablowan tupanankupaq. ¿Yanaparanchu Pablota chaykuna ruwasqanku? Pabloqa paykunata rikuspan “Diosman graciasta qoran, anchatataq kallpachakuranpas” (Hech. 28:15). Pablon llapa congregacionkunatapas animaq, kay kutipiqa payqa preson kasharan chaymi necesitaran animanata (2 Cor. 13:10).

Kay tiempopiqa watukuq umallikunan congregacionkunata visitanku hermanokunata animanankupaq. Mayninpiqa sayk’usqa, llakisqa desanimasqa iman tarikunku, llapanchispas mayninpiqa chhaynan tarikunchis. ¿Imatan ruwasunman payta esposantapas animananchispaq, chhaynapi visitamuwaqtinchis ‘noqanchispura kallpachanakunanchispaq’? (Rom. 1:11, 12.)

• 

  Predicacionpaq reunionkunapi kashaspa. Watukuq umallitaqa anchatan animan visitamuwasqanchis semanapi predicaq lloqsisqanchisqa (1 Tes. 1:2, 3; 2:20). Kallpachakusun precursor auxiliarta chay killapi ruwananchispaq. Chay p’unchaykunaqa predicasunmanmi watukuq umalliwan otaq esposanwan, otaq anotachikusunman estudionchisman compañawananchispaq. Ama piensaychu “noqaqa pisi tiempollaraqmi predicashani otaq manan allintachu predicani” nispaqa. Paykunaqa munankun congregacionpi llapa publicadorkunawan lloqsiyta.

• 

  Wasinchisman invitaspa. Alojasunmanmi wasinchispi otaq mijunata invitasunman. Chaykunata ruwaspan rikuchinchis paykunata munakusqanchista. Chaymantapas paykunaqa manan allin mijunataraqchu mañakunku (Luc. 10:38-42).

• 

  Consejawasqanchista uyarikuspa kasukuspa ima. Watukuq umalliqa yanapawanchismi allinta Jehová Diosta servinanchispaq. Yaqapaschá mayninpiqa fuerteta consejawasunchis (1 Cor. 5:1-5). Sichus k’umuykukuywan kasukuq kasun chayqa kusisqan llank’anqaku (Heb. 13:17).

• 

  Agradecekusun. Watukuq umallitan esposantawan ninanchis tukuyta ruwasqanku anchata animawasqanchista. Chaytaqa paytapas niwaqmi otaq juj tarjetata qelqaspapas (Col. 3:15).