DIOSPAQ JINA KAUSASUN
Noqanchisraykun allinta llank’anku
Watukuq umalliqkunaqa esposankuwan kuskan ruwanankuta saqesparaq noqanchisrayku llank’ashanku, tukuy chaykunataqa ruwanku munakuwasqanchisraykun. Mayninpiqa paykunapas noqanchis jinan sayk’usqa, llakisqa, mana kallpayoq tarikunkuman (Sant. 5:17). Chhayna kaqtinpas paykunaqa sapa semananmi juj iñiq t’aqata visitanku chaypi hermanokunata kallpachanankupaq. Chaymi, watukuq umalliqkunaqa “allin respetasqa kananku” (1Tim. 5:17).
Apóstol Pabloqa Roma llaqtapi kaq iñiq t’aqatan visitayta munarqan chaypi hermanokunata kallpachananpaq. Chayta ruwaspan paypas kallpachasqa kanan karqan (Rom. 1:11, 12). Chhaynaqa, ¿imaynatan noqanchispas watukuq umalliqta esposantawan kallpachasunman?
WATUKUQ UMALLI KARU LLAQTAKUNAPI IÑIQ T’AQAKUNATA VISITAN NISQA VIDEOTA QHAWASPA, KAY TAPUYKUNATA KUTICHIY:
¿Imakunatan ruwanku watukuq umalliqkuna esposankupas iñiq t’aqata munakusqankurayku?
¿Imaynatan paykuna qanta yanaparqasunkiku?
¿Imatan ruwasunman paykunata kallpachananchispaq?