Jatunchakuq faraonqa mana munashaspan Diospa munaynin junt’akunanpaq yanapakuran

8:15, 18, 19; 9:15-17

Egiptopi faraonkunaqa diospas kankuman jinan qhawarikuranku. Chaychá Moisespa tiemponpi faraonqa nishu jatunchakuq kaspa mana Moisestapas Aarontapas nitaq sacerdotenkunatapas uyariyta munaranchu.

Qanri, ¿uyarikunkichu pipas allinniykipaq imatapas nisuqtiyki? ¿Gracias ninkichu nisqasuykimanta? Icha, ¿manan pipas imatapas niwananchu nispachu ninki? Yachasqanchis jina umanta oqariqqa urmanqan (Prov. 16:18). Chaymi mana jatunchakuqchu kananchis.