Precursor kaspa Jehová Diosta jatunchasun

Jehová Diosmi Israel llaqtanta Egiptomanta orqomuran, salvarantaqmi faraonmanta soldadonkunamantapas, chaykunamantan paykunaqa Diosta jatuncharanku (Éx. 15:1, 2). Kunan tiempopipas Jehová Diosqa llaqtanraykun imaymanata ruwashan. ¿Imaynatan chaykunamanta Diosta “gracias” nisunman? (Sal. 116:12.)

Chaytaqa ruwasunman precursor auxiliar otaq regular kaspan. Chaypaqmi Jehová Diosmanta kallpata mañakusunman (Filip. 2:13). Askha hermanokunan precursor regular kanankupaq ñaupaqta precursor auxiliar karanku. Marzo, abril killakunapi, chaymantapas watukuq umalli iñiq t’aqanchista visitamusqan killapin precursor auxiliar kasunman 30 otaq 50 horakunata killapi Diosmanta willaspa. Sichus reparanki precursor auxiliar kaspa kusisqa kasqaykita chayqa, kallpachakuwaqmi precursor regular kanaykipaq. Wakin hermanonchiskunaqa ch’isiyaqmi llank’anku otaq onqoyniyoq kashanku, chaywanpas atinkun precursor regular kayta (mwb16.07 8). Allinpunin Jehová Diosta jatunchananchispaq tukuy atisqanchista ruwayqa (1 Crón. 16:25).

KINSANTINKUN SUMAQTA LLANK’ASHANKU NISQA VIDEOTA QHAWASPA KAY TAPUYKUNATA KUTICHIY:

• 

  ¿Ima sasachakuykunatan hermanakuna atipananku karan precursora kanankupaq?

• 

  ¿Ima bendicionkunatan chaskiranku?

• 

  ¿Ima llank’aykunapin yanapakullarankutaq precursora kasqankurayku?

• 

  ¿Pitan yanapallarankutaq precursora kaspanku?