Jehová Diosta astawan yupaychanapaq
1. ¿Ima yanapaykuna kan Jehová Diosta astawan hatunchanapaq?
1 Sapa watanmi marzo, abril killakunapi 30 horallata hunt’aspa precursor auxiliar kayta atisunman, hinallataq watukuq umalli hamusqan killakunapipas. Chay willakuyqa kay watapi marzo killamantapacha qallarinqa. Sichus watukuq umalli huk killakunapi hamunqa chayqa atillasunmantaqmi precursor auxiliar kayta 30 horasta hunt’aspa. Hinaspapas precursor regularkuna, especialkunaq huñunakuyninkupin precursor auxiliarkuna kayta atinqaku. Sichus precursor auxiliar kaspa mana hunt’ayta atinchischu 50 horasta chayqa, watapi tawa kutitan Jehová Diosta hatunchasunman 30 horasta hunt’aspa (Sal. 109:30; 119:171).
2. ¿Ima allinkunatan chaskinkuman precursor auxiliarkuna watukuq umalli hamusqan killapi?
2 Watukuq umalli hamuqtin. Askha atisunchis watukuq umalli hamusqan killapi precursor auxiliar kayta, chhaynapin ‘iñiyninchispi qaqatapuni sayananchispaq’ kallpachanakusun paywan predicaspa (Rom. 1:11, 12). Sichus precursor auxiliarkuna llank’anku chayqa sabadonpi otaq domingonpi ninkuman watukuq umallita paykunawan predicanankupaq otaq llank’anankumanta permisota mañakuspa semanapi mayqen p’unchaypipas watukuq umalliwan predicankuman. Chaymantapas precursor auxiliarkunata anchata kallpachanman precursor regularkunaq, especialkunaq huñunakuyninman riqtinku.
3. ¿Imaraykun Jesuspa wañupusqan p’unchay killapi allin kanman precursor auxiliar hina yanapakuy?
3 Marzo, abril killakunapi. Pikunachus Jesuspa Wañupusqan Yuyarina P’unchaypi precursor auxiliar karqanku, kunanpas atillankumantaqmi astawan ‘yupaychay sacrificio qoyta’ (Heb. 13:15). Marzo, abril killakunapin astawanqa mast’arisunman predicayninchista precursor auxiliar kaspa. Hinaspapas Jesuspa Wañupusqan Yuyarina killapin invitacionkunata rakikurqan chay ruwaypi astawan yanapakunapaq karqan. Chaymantapas chay kutikunapi askha iñiqmasikuna tiemponkuta t’aqarqanku predicanankupaq paykunawan kuska lloqsinapaq. Jesuspa Wañupusqanta Yuyarina P’unchay huñunakuypaq hamuqkunataqa astawanmi kallpachasunman discurso especial huñunakuyman hamunankupaq. Precursor auxiliar kaspaqa astawanmi Jehová Diosta hatunchasun, ¿manachu sonqonchis chayta ruwanapaq tanqawanchis? (Luc. 6:45.)