¿Imatan ruwasunman pipas ñak’arichiwaqtinchis?

Leey Génesis 37:​23-28; 39:​17-23 textokunata, chaypin willashan imakunatas José aguantarqan chayta.

Imamantas llapanpi willashan chayta qhawariy. ¿Imaraykun Joseta sufrichirqanku? (Gén. 37:​3-11; 39:​1, 6-10). ¿Jayk’a tiempon José chaykunata aguantarqan? (Gén. 37:2; 41:46). Chay tukuy tiempo sufrichishaqtinku, ¿imatan Jehová Dios ruwarqan Josepaq, imatataqmi mana ruwarqanchu? Chaykunata t’aqwirisun (Gén. 39:​2, 21; w23.01 17 párr. 13).

Aschatawan t’aqwiriy. Bibliapiqa manan willanchu José defiendekurqanchus icha manachus Potifarpa esposan paymanta llullakuspa rimashaqtin chaytaqa. Mana defiendekurqanchu ¿chayrí? ¿Imaraykun mana defiendekunmanchu karqan? ¿Imaraykun Bibliapi mana Josepa tukuy ruwasqanmantachu willan? (Prov. 20:2; Juan 21:25; Hech. 21:37). ¿Imayna runan karqan José? ¿Imaraykun aguantarqan chhayna mana chaninta ruwasqankuta? (Miq. 7:7; Luc. 14:11; Sant. 1:​2, 3).

¿Imakunatan chaymanta yachanki? Tapukuy:

• “¿Ima mana allinkunapin noqapas tarikuyman Jesusta qatikusqayrayku?” (Luc. 21:​12, 16, 17; Heb. 10:​33, 34).

• “¿Imaynatan preparakuyman chaykunata aguantanaypaq?”, nispa (Sal. 62:​7, 8; 105:​17-19; w19.07 2-7).