¿Iman yanapasunkiman estudiasqaykita yuyarinaykipaq?

¿Ratullachu mayninpi imachus estudiasqaykita qonqarapunki? Chayqa llapanchistan mayninqa pasawanchis. Ichaqa, ¿imatan ruwasunman estudiasqanchista yuyarinanchispaq? Chaymantan kaypi yachasun.

Estudiashaspaqa juj ratun samarinanchis imachus leesqanchispi piensananchispaq. Chaymi apóstol Pablopas carta apachisqanta entiendenankuta munaspa nirqan: “Tukuy chaykuna nimusqaykumanta aswan allinqa kaymi”, nispa (Heb. 8:1). Chaywanmi payqa munasharqan iñiqkuna imachus nisqanta allinta entiendenankuta, imaynas juj yachachikuyqa juj yachachikuywan tupashan chayta reparanankuta.

Estudiashaspaqa chunka minutollatapas sayariy imachus estudiasqaykipi piensarinaykipaq. Manachus estudiasqaykita yuyarinki chayqa subtítulo nisqakunata leey, chaymantapas parrafoq qallariyninta iman leewaq. Chaymi yanapasunki imachus leesqaykita yuyarinaykipaq. Sichus ima mosoq yachachikuytapas allinta entienderunki chayqa entiendesqaykiman jina chayta explicay. Imachus yachamusqanchispi piensarispaqa manan yuyarinallanchischu, aswanpas kallpachakunanchismi chay yachamusqanchisman jina kausananchispaq.