Iskay kaq parte: Diosta servinanpaq hina estudiota qosun
Estudio qonapaqqa preparakunan
1 Bibliamanta allin yachachiyqa manan qelqasqa leeyllachu nitaq Bibliamanta mana copiasqa textokuna maskhayllachu. Estudiasqanchis temataqa yachachinanchis estudianteq sonqonman chayananpaq hinan. Chaypaqqa allintan preparakuna estudianteq necesitasqanman hina (Pro. 15:28).
2 Imaynatan preparakuna. Ñawpaqtaqa, Jehovaman orakuy estudiantepaq, paypa imapi allinyananpaqpas. Estudianteq sonqonman chayanaykipaq yanapayta mañakuy (Col. 1:9, 10). Manaraq temata estudiashaspa, tiempota hap’iy estudianaykichis capituloq otaq leccionpa titulonta, subtitulontapas, dibujonkunatapas allinta examinanaykipaq. Tapukuy: “¿Imatan kay capitulopi allinta entiendechin?”. Chayta ruwaspan importante puntokunata allinta entiendechinki estudiota qospaykiqa.
3 Sapanka parrafota allinta repasay. Qelqasqa tapuykunapaq kutichiykunata tarispa subrayay entiendechiq palabrakunallata. Maskhay mana copiasqa textokunaq parrafopi principal puntowan imayna tupasqanta, hinaspa akllay estudiopi leenayki textokunata. Yanapasunkimanpaschá paginaq cantonpi pisillapas anotakusqayki. Estudianteqa reparananmi Diospa Palabranmanta yachasqanta (1 Tes. 2:13).
4 Estudiantepaq hina preparakuy. Estudianaykichis leccionta preparakuy estudiantepi piensaspa. Imakunatan tapusunkiman, ima puntokunatan mana faciltachu entiendenman otaq aceptanmanpas, chaykunata ñawpaqmanta preparakuy. Tapukuy: “¿Imatan entiendenan otaq imapin allinyanan espiritualpi wiñananpaq? ¿Imaynatan yachachisqayta sonqonman chayachiyman?”. Kay tapuykunaman kutichinapaq hina estudianaykichis leccionta preparakuy. Mayninpiqa preparanaykipaschá kanqa ejemplotapas, imayna explicanatapas, askha tapuykunatapas estudiasqaykichis qelqatapas otaq leesqaykichis textotapas allin entiendenanpaq (Neh. 8:8). Ama ichaqa huk temakunamanta rimaychu. Estudiayta tukuspa pisillapi repasasqaykichismi estudianteta yanapanqa importante puntokuna yuyananpaq.
5 ¡Anchatan kusikunchis Jehová Dios alabasqa kananpaq mosoqkunaq chaninta rurusqankuwan! (Fili. 1:11.) Sichus munanchis chay ruwanankupaq yanapayta chayqa, allinta preparakusun Bibliamanta sapa kutin yachachinanchispaq.