¿Testigomanpunichu tukunay paykunawan Bibliata estudiaspa?

Manan. Askha runakunaña noqaykuwan Bibliata estudianku chaypas manan llapankuchu bautizakunku Testigo jina. Manataqmi paykunaqa obligasqachu kashanku Testigo kanankupaqqa.a Noqaykuqa munayku llapa runakunapas Bibliamanta yachanankutan. Ichaqa, yachasqankuman jinachus kausanqaku icha manachus chayqa paykunamantañan. Chaymantapas sapanka runamantan ima religionmanchus jaykunqa chayqa (Josué 24:15).

Noqaqa Bibliaywan yachachiwanankutan munayman, ¿atikunmanchu?

Arí, atikunmanmi. Ichaqa fácil entiendey kasqanraykun noqaykuqa Mosoq Pacha Biblia nisqata usayku yachachinaykupaq. Munanki chayqa regalaykikumanmi jujta. Bibliaykiwanpunichus estudiayta munanki chayqa manan imananpaschu. Mayqen Bibliapas igual-llan.

Manataq runakuna munankuchu Testigo kayta chayqa, ¿imaraykutaq paykunawanri estudiankichis?

• Diosta munakusqaykuraykun noqaykuqa chayta ruwayku. Paymi kamachiwanku yachasqaykuta jujkunaman yachachinaykupaq (Mateo 22:37, 38; 28:19, 20). Chaymantapas noqaykuqa gustowanmi chayta ruwayku, chhaynapin Dioswan kuska llank’ashayku (1 Corintios 3:6-9).

• Chaymantapas runamasiykuta munakusqaykuraykun chayta ruwallaykutaq (Mateo 22:39). Gustawankun Bibliamanta paykunaman yachachiy (Hechos 20:35).