Enseña nisqa libroqa, akllasqa qelqanchismi estudio qonapaq
1 ¡Anchatan kusikuranchis “Diosta kasukuy” nisqa Distrito Asambleapi ¿Qué enseña realmente la Biblia? nisqa librota chaskispanchis! Chayman riqkunaqa kusikuranchismi iskay kaq p’unchaypaq programa tukuyninpi kay librota chaskispa. ¿Imaynatan yanapachikusunman kay mosoq yachachina qelqawan? Kay libroqa ruwakuran Bibliamanta estudio qonapaq akllasqa qelqanchis kananpaq. Kay qelqaqa chayraqmi marzomanta munachikunqa serviciopi. Ichaqa, publicadorkunata kallpachashanchis kunanmantapacha kay librowan Bibliamanta estudio qallarinankupaq.
2 Bibliamanta estudiota qoshaschisña chayqa. Mayqen publicadorkunachus Conocimiento librowan otaq ¿Imatan Dios munan ñoqanchismanta? nisqa folletowan Bibliamanta estudiota qoshankuña chayqa, allin yuyaywanmi decidinanku imaynata hayk’aq kay mosoq qelqawan estudio qallarinankupaq. Chayllaraqchus estudiota qallarikusharan chayqa allinmi kanman kay mosoq librowan qallariy. Askhatañachus ñawparunkichis Conocimiento librota estudiaspa chayqa, estudiallawaqchismi Enseña libropi tupaq capitulowan. Ñataqchus Conocimiento librota tukushankichisña chayqa, tukunaykichiskama estudiota ruwallaychis.
3 Llapanchismi yachanchis pikunan beneficiakunkuman Enseña nisqa librota estudiaspa. Chay hinaqa ¿Manachu lliwman munachisunman estudiokunata kay mosoq Bibliamanta yachachina qelqawan? Ejemplopaq, pikunachus estudiarankuña ¿Imatan Dios munan ñoqanchismanta? nisqa folletota otaq Conocimiento librotapas, manataq Diosman qokunkuraqchu nitaq bautizakunkuraqpaschu chayqa, munankumanpaschá kay mosoq qelqawan estudio qallariyta. Tayta-mamakunapas kay librowanmi wawankuta yachachinkuman Diospa munayninmanta yachanankupaq (Col. 1:9, 10).
4 Huk librotawan estudiasun. ¿Qué enseña realmente la Biblia? nisqa librota estudiayta tukuspaqa, huk librotawanraqmi estudiasunman. Sichus yachachisqanchis, pisillatapas yachasqanpi wiñarishan, agradecekuntaq yachasqanmanta chayqa, yanapallasunmanmi Biblia estudiayta Adoremos al único Dios verdadero nisqa librowan. Enseña nisqa libroqa anchatapunin yanapawasun hukkunata yachachinapaq Jesuspa yachachisqankuna kanankupaq (Mat. 28:19, 20).