Imallatapas Jehová Diosman qosunmanchu
1 ¿Imatan Diosman qosunman? Abelqa ovejankunamanta allin wira kaqtan Jehová Diosman sacrificiopi haywaran, Noepas Jobpas kaqllatataq ruwaranku (Gén. 4:4; 8:20; Job 1:5). Ofrenda haywasqankuqa manan Kamaqta qhapaqyachinankupaqchu karan, Diospan tukuy imapas. Chay ofrenda haywasqankuwanqa tukuy sonqowan munakusqankutan rikuchiranku. Ñoqanchispas tiemponchiswan, kallpanchiswan kaqninchiskunawan ima ‘Diosman yupaychay sacrificiota qosunman’ (Heb. 13:15).
2 Tiemponchista: Astawan predicananchispaq ama tiemponchista ‘usuchisunchu’ yanqa ruwaykunapi (Efe. 5:15, 16). Yachanapaq, tiemponchista allichasunman watapi huk otaq iskay killallapas precursor auxiliar kanapaq. Chaymantapas predicacionpi qhepakusunman astawanraq predicanapaq. Predicacionpi kinsa chunka minutotawan sapa semana qhepakusunman chayqa, killapi iskay horata hinan yapasunman predicayninchista.
3 Kallpanchista: Tukuy kallpanchiswan predicananchispaqqa manan sinchitachu sayk’unanchis kusikuykunapi llank’asqanchispipas. Hinaspapas manan sinchitachu llakipakuykunawan ñit’ichikunanchis, sinchi llakikuyqa pisi kallpayachiwasunmanmi Diosta servinanchispaq (Pro. 12:25). Llakikunchisña chaypas, Jehová Diosmanmi saqenanchis (Sal. 55:22; Fili. 4:6, 7).
4 Kaqninchiskunata: Chaymantapas kaqninchiskunata qospan predicacionpi yanapakusunman. Chhayna yanapakuymantan apóstol Pablo wayqe panankunata kallpacharan ‘qolqeta t’aqanankupaq’ chhaynapi pisichikuqkunata yanapanankupaq (1 Cor. 16:1, 2). Ñoqanchispas t’aqasunmanmi kaqninchiskunata congregacionpi gastokunapaq, predicacionta yanapananchispaqpas. Pisillataña qosun chaypas, Jehová Diosqa anchatan valoran tukuy sonqowan qosqanchista (Luc. 21:1-4).
5 Jehová Diosqa tukuy imaymanatan qowaranchis (Sant. 1:17). Chaykunamanta agradecekuspan tiemponchista, kallpanchista kaqninchiskunatawan tukuy sonqomanta payman qonchis. Chaykunata qospaqa kusichisunmi, “Diosqa kusisqa qoqtan munakun” (2 Cor. 9:7).