¿Imaynatan aparikunqa Predicayta Yachanapaq Huñunakuy?

Kay septiembre killamantan Predicayta Yachanapaq Huñunakuypi cambiokuna kanqa. Chay huñunakuy imayna aparikunanmantan 2009 wata mayo killapi Diosmanta Willasunchis hojapi lloqsimurqan, “Allin preparasqa risun Predicayta Yachanapaq Huñunakuyman” nisqa temapi. Chaymantan kunan astawan sut’inchakunqa.

◼ Discurso. Chaypiqa discurso qoqllan huk temamanta rimanqa, huñunakuypi kaqkunataq uyarillanqaku. Chay discursotaqa imachus iñiqkunapaq allin kasqanwanmi tupachinqa.

◼ Uyariqkunata tapuspa ruway. Chayta ruwaqqa qallariypi pisillata rimaspan sapanka parrafomanta tapuykunata ruwanqa, imaynan Qhawaq revistata estudiakun hinata. Tukunanpaqpas pisillatan rimanan. Tiempoq kasqanman hinan wakin textokunata leekunman, ichaqa manan parrafokunataqa leekunanchu, willakullaqtinmi leekunman.

◼ Uyariqkunaq yanapayninwan ruway. Chaytaqa discursota hinataq uyariqkunata tapuspa hinataqmi ruwakunqa. Chaypipas uyariqkunan wakin tapuykunata kutichinqaku.

◼ Demostracionkuna, experienciakuna. Discurso qoqmi kallpachakunan demostración ruwakunanpaq, ichaqa manan pay kikinpunichu chaytaqa ruwanan. Allin kawsayniyoq allin ruwaq cristianotan akllanan. Demostraciontaqa ñawpaqmantan preparakuna. Chaypaqqa allin experienciayoq cristianokunatan akllana, chayllaraq predicaqkunataqa maynillanpin yanapakuqpaq churakunman. Demostracionta ruwaqkunaqa manan qhepaykunankuchu huñunakuypi kaqkunata. Experienciankuta willaqkunaqa ñawpaqmanmi rinanku manan tiyasqankumantachu willananku. Demostracionta ruwaqpas experiencianta willaqpas ñawpaqmantañan ensayanan. Discurso qoq manaña tiempota aypachikunmanchu chaypas, demostracionpas experiencia willaypas ruwakunanpunin. Siervo ministerialkunaqa huk umalliqtan tapunanku pikunatan akllankuman chaykunata ruwanankupaq chayta.

Mayqen programapipas hukniray willakuy lloqsimunman chayqa chayman hinapunin ruwana. Kay hojapi willakuykunan yanapawasun Predicayta Yachanapaq Huñunakuy ‘chaninninpi ruwakunanpaq, maychus ruwanaman hinapuni’ (1 Cor. 14:40).