LECCIÓN 8

Ejemplokunawan yachachiy

Mateo 13:34, 35

Uyariqniykikuna importante yachachikuykunata entiendenankupaqqa ejemplokunawanmi yachachiwaq.

Fácil entiendey ejemplokunata willay. Jesús jinan runakunaq reqsisqanku ejemplokunata utilizanayki importante yachachikuykunata, sasa entiendey yachachikuykunata explicanaykipaq. Uyariqkunaqa entiendenankun imaynatachus chay ejemplo yachachisqaykiwan tupasqanta.

Ladoykipi imachus pasasqanta, imachus kasqantan reparanayki. Jinaspapas qelqanchiskunata estudiaspa, allin yachachiq hermanokunata uyarispan ejemplokunata tarillawaqtaq. Chay ejemplokunata tarispaqa waqaychanaykin, qhepaman chaykunawan sumaqta yachachinaykipaq.
Uyariqniykikunapin piensanayki. Reqsisqanku ejemplokunatan maskhanayki. Ichaqa manan p’enqachinaykipaq jina ejemplokunataqa utilizanaykichu.
Allinta reparachiy yachachisqaykita. Ejemplokunataqa churananchis importante yachachikuykunata explicananchispaqmi. Uyariqkunaqa manan ejemplo willasqallaykitachu yuyarinanku, yuyarinallankutaqmi imatachus yachachisqaykita.