LECCIÓN 6

Bibliamanta textokunata allinta explicay

Juan 10:33-36

Bibliamanta textotaqa manan leeyllachu leena. Aswanpas explicananchismi imaynatas chay texto yachachisqanchiswan tupan chayta.

Importante palabrakunata sut’ita reparachiy. Bibliamanta juj textota leespa yachachisqaykiwan tupaq palabrakunatan allinta reparachinayki. Chaypaqqa jujmantan chay palabrakunata niwaq otaq tapuykunata ruwawaq uyariqkuna chay palabrakunata reparanankupaq.

Bibliamanta textota juj palabrakunawanña willanki chaypas, uyariqkunaqa reparanankun imaynatas chay texto yachachisqaykita apoyasqanta.
Textomanta yachachikuyta explicay. Manaraq juj textota leeshaspan willawaq imaraykus chay textota leenki chayta. Leesqayki qhepamantaq explicanayki chay textopi palabrakuna imaynatas yachachisqaykiwan tupashan chayta.

Bibliaykita kichasqata jap’ispa juj textota explicay. Chayta ruwaqtiykiqa jujkunapas Bibliankutan kichasqata jap’inkuman, chhaynapin reparanqaku Bibliamanta yachachisqaykita.
Entiendenankupaq jinalla explicay. Bibliamanta juj textota explicashaspaqa manan llapantachu explicanayki, aswanpas imamantas yachachishanki chayllata. Chaypaqqa reparanaykin imakunatachus uyariqkuna yachasqankuta.