¡Qhawariy khaytukuy iñiqkunata!

1. ¡Qhawariy Diospa llaqtanta,

khaytukuy runata!

Lliumi Dios sonqo kanku,

paytan servishanku.

Lliu llaqtamantan kanku,

tukuy rimaymanta.

Ancha kusisqan takishanku

Jehová Diosninchisman.

2. ¡Qhawariy Diospa llaqtanta!

Lliumi llank’ashanku.

Kausay qoq willakuytan

lliuman apashanku.

Waranqa-waranqanpin

ñaupaqman rishanku.

Criston kallpachan paykunata,

paymi pusaqninku.

3. Khaytukuy iñiqkunatan

Diosqa pusarishan.

Ñawi rurunta jinan

sumaqta cuidashan.

¿Pitaq yupayta atinman

Diospa llaqtantari?

Diostan paykuna llank’aysinku

p’unchay ch’isiyaqta.