¿Imaynatan Diosninchis willawanchis promesankunamanta?

Qallariymantapachan Diosninchisqa runakunaman imatapas willananpaq angelkunawan profetankunawan willachiran. Chaymantapas runakunawanmi promesankunata qelqachiran. Diosqa prometewanchismi jamuq tiempopi kusisqa kausananchispaq, ichaqa ninkipaschá: “¿Maypitaq prometesqanri qelqasqa kashan?”, nispa.

Diospa promesankunaqa Bibliapin kashan (2 Timoteo 3:16). ¿Imaynatataq Diosri profetankunawan Bibliata qelqachiran? (2 Pedro 1:21.) Diosmi paykunaq yuyayninman imachus piensasqanta churaran, paykunataq chayta qelqaranku. Imaynan negocioyoq runaqa secretarionta nin imachus nisqanta qelqananpaq, chhaynatan Diospas runakunawan imachus nisqanta qelqachiran, chaymi Bibliapiqa Diospa yuyaykusqan kashan.

BIBLIATAQA LLAPANCHISPAS ATISUNMANMI LEEYTA

Diosninchisqa munanmi llapa runapas Bibliapi willasqanta leenankuta entiendenankutapas. Kay tiempopiqa llapa nacionkunamanta, ayllukunamanta, rimaykunamanta runakunan Diosmanta allin willakuykunata yachayta atinku (Apocalipsis 14:6). Diospa yanapayninwanmi Bibliaqa kinsa waranqa más simikunaman t’ijrasqa kashan, Biblia jinaqa manan ima libropas chhayna t’ijrasqaqa kanchu.