Asirikusqanraykun kunan Bibliata estudiashanku

Helen hermananchismi kusisqa kashan carretachawan Diosmanta willaspa, iskay sipaskunataq ñaupaqenta pasashanku.

FILIPINAS nacionpi negocio ruwasqanku callepis hermananchis Helenqa carretawan predicashasqa. Chayllamansi iskay sipaskuna chay callenta purimushasqaku, jinas Helen hermananchisqa sumaqta asirikuspa paykunata qhawarisqa, chhayna qhawarisqantas paykunaqa mana qonqasqakuchu.

Chay iskay sipaskunaqa carropis wasinkuman ripushasqaku. Chaypis jw.org letrerota jujmanta juñunakunanchis wasipi rikullasqakutaq, jinas juñunakuy ima p’unchay aparikunanta yachanankupaq carromanta uraykusqaku.

Chay iskay sipaskunaqa hermana Helenta rikuspan kusisqa kashanku.

Juj p’unchaysi chay sipaskunaqa juñunakuyman risqaku, chay juñunakuyman chayaspankus Helen hermananchiswan tupasqaku, chaypin yuyarisqaku asirikuspa paykunata qhawarisqanta. Helen hermananchismi nin: “Paykunan noqaman qayllaykamuwasharanku, jinaspan mancharikurani, ‘imatachá niwanqakupas’ nispan nisharani”, nispa. Chay sipaskunas ichaqa hermananchista nisqaku imaraykus juñunakuyman risqaku chayta.

Paykunapaqqa munaysi chay juñunakuyqa kasqa, wasinkupipas kashankuman jinas sientekusqaku. Juñunakuy tukuytapas pichaqta rikuspas paykunapas pichaysikusqaku. Chaymantaqa jujkaqninqa juj nacionmansi ripusqa, Helen hermananchis asirikusqanraykus jujnin sipasqa Biblia estudiayta qallarisqa juñunakuykunamanpas mana faltakuspas rishallan.