¿Maijan religionbita confiaita ushanchi?

Ashtaca religiongunapi nalita ricushpami religionbi confiaitaca na ushanchi. Shinapash shuj ali religionga tianmi. Jesús cai Alpapi cashpaca Taita Diospa mandashcacunata cazuchunmi paipa catijcunamanga yachachirca. Cunan punllacunapipash Jesusta ali catijcunaca tianmi. Paicunapash Jesuspa ejemplota catishpami Taita Diospa mandashcata pactachingapaj esforzarin. ¿Picunamandata parlanajupanchi?

Estelaca ninmi: “Testigo de Jehovacunahuan yachajushpami Bibliataca aliguta intindi callarircani. Juan 8:32​pi nishca shinaca, Taita Diospa na llullashca villaicunami ñucataca cacharichihuashca” nishpa.

Juanbash ninmi: “Testigo de Jehovacunami Bibliahuan tiarishpa yachachihuarca, Taita Diosca na llaquicunata cachamunllu. Llaquicuna tiachun saquishpapash ñallami llaquicunataca tucuchitapacha tucuchinga” nishpa.

Cai mundopa nali ruraicunamanda caruyana shinlli cajpipash chaicunamanda caruyaitaca ushashunmi. Cunan punllacunapica ashtaca gentecunami Bibliata yachajungapaj, Bibliapi mandashcacunata pactachingapaj munanajun. Chaimandami cada semana testigo de Jehovacunaca tauca millón gentecunaman paicunapa huasipillata Bibliata gratis yachachin. Shinami ashtacacunaca Bibliata aliguta yachajushpa Taita Diosman quimirishpa cushijushpa causan.a

Testigo de Jehovacunahuan cutinba parlashpaca tapupangui ¿imamandata quiquingunaca cangunapa religionbi confianguichi? nishpa. Paicuna ima nijta uyashpa, paicuna imashina causajta ricushpa pensaripangui ¿maijan religionbita confiaita ushani? nishpa.