¿Religiongunapi confiaita ushanchichu? Aliguta causana

Silviaca mayorlla gentegucunata cuidashpami trabajan. Paica ninmi: “Universidadpica ashtacacunami ñucaca shuj religionda charinimi nin carca. Shinapash examengunapica copianllami carian. Drogacunatapash ufianllami carian. Paicunapa religionga alita rurachunga na ayudanllu carca” ninmi.

Leonelpash ninmi: “Trabajopi cumbacunaca manapash ungushca cashpatami ungushcami cani nishpa faltan. Paicunaca imashinami huasipi cosascunata gentecuna ricuchunlla charin, shinallatami gentecuna ricuchunlla religionda charini nin”.

Ashtaca gentecunaca religionda charinimi nishpapash ‘ñavi ricuipillami Diosta juyanshnalla ricurin. Shinapash, Diospaj ushaita’ charishcataca na ricuchinllu (2 Timoteo 3:5). Paicunapa iglesiacunapi yachachijcunapash nali ejmplotami cushca. Gentecuna aliguta causachunbash Bibliamandaca na yachachinllu. Chaimandami gentecunaca yan, imashina causajpipash Taita Diosca ricunllami nishpa.

¿IMATATA BIBLIACA YACHACHIN?

Bibliapica ninmi Taita Diosca cushijunmi, llaquirinmi nishpa. Chaimandami israelitacuna na cazujpica “shungupipash nanachinshna” Taita Diosca “llaquirirca” (Salmo 78:​40, NM). Cutin nalicuna tucui shunguhuan arripintirishpa cambiajpica ‘jahua pachapica ninandami cushijun’ (Lucas 15:7). Ñucanchi jahua pachapi Taita Diosta aliguta rijsishpaca pai imata juyashcatami ñucanchipash juyanchi, pai imata millanayachishcatami millanayachinchi (Amós 5:15).

TESTIGO DE JEHOVACUNACA ¿IMATATA YACHACHIN?

Estados Unidosmanda shuj periodicoca ninmi: “Testigo de Jehovacunaca familiacuna tandanajushpa aliguta causachun, ali trabajadorcuna cachun, honradocuna cachunmi yachachin. Tabacota chupanata, drogacunata ufianata, shujhuan shujhuan causanata, jaripura juchapi urmanataca Taita Diosca nalicachinllu nishpami chaicunataca na ruran”.

Taita Diosta rijsishpami ashtaca testigo de Jehovacunaca aliguta causanata yachajushca. Silviaca ninmi: “Trabajopica ashtacacunami trampacunata rurashpa shuhuanlla. Honrado canaca shinllimi can. Shinapash Jehová Diospaa ñaupajpi nali cajta yachashpami chaicunata na rurashpa tranquilo, cushilla sintirini” nin. Silviaca paipa religionbi ali yachachijpimi aliguta causajuni nin.