¿Imatata Bibliapica nin?
¿Religiondaca gentecunachu callarichirca?
HUAQUIN GENTECUNACA CRINMI religiondaca gentecunami callarichirca nishpa. Cutin shujcunaca crinmi, Taita Diosca gentecuna paipaman quimirichun munashpami religiondaca callarichirca nishpa. Shinapash quiquinga ¿imatata cripangui?
BIBLIACA NINMI
‘Taita Diospa ñaupajpi tucui shunguhuanbacha ima mapapash illaj’ religionga tianmi nishpa (Santiago 1:27). Shinaca, Taita Diosmi ali religiondaca callarichirca.
¿IMATATA BIBLIACA ASHTAHUAN NIN?
Taita Dios alicachishca religionga Bibliapi na llullaj shimitami catina can (Juan 4:23, 24).
Gentecunapa yuyaicunata catishpa yachachij religiongunaca na sirvinllu (Marcos 7:7, 8).
¿Shuj religionda charinaca minishtirishcachu can?
¿IMATATA NIPANGUIMAN?
Ari
Na
Na yachapanichu
BIBLIACA NINMI
“Caishujhuan, chaishujhuan ashtahuan juyarishpa, imata cashpapash alita ruranacunata yarichirishunchi. Tandanajunataca, na saquinachu canchi” nishpa (Hebreos 10:24, 25). Taita Diosca paita adoraj gentecuna aliguta organizarishpa tandanajuchunmi munan.
¿IMATATA BIBLIACA ASHTAHUAN NIN?
Taita Diosta adoraj gentecunaca chaitallatami crina can (1 Corintios 1:10, 11).
Taita Dios alicachishca religionbi cajcunaca mundo enteropi huauquipanicunahuanmi ali llevarin (1 Pedro 2:17).