BIBLIAMANDA TAPUICUNA
¿Shamuj punllacunapica alicha causashun?
Jesús paipa causaita cushcamandaca ¿ciertocha jipa punllacunapica shujcunapi preocuparishpa causashun?
Cientificocunaca ashtahuan ashtahuan imacunata investigashpapash tucui gentecuna aliguta causachun, shujcunamanda preocuparichunga na imatapash rurai ushashcachu. Mundo enteropi gentecunaca paicunapillami pensarin. Shinapash, Taita Diosca tucuilla gentecuna aliguta causachunmi munan. (2 Pedro 3:13, liipangui.)
Bibliapi nishca shinaca, jipa punllacunapica cai Alpapi tucui gentecunami randimanda juyarishpa causanga. Gentecunaca paicunata pipash na llaquichijpimi imatapash na manllashpa causanajunga. (Miqueas 4:3, 4, liipangui.)
¿Ima horapash shujcunapi preocuparishunlla?
Taita Diosca Adanda rurashpaca jucha illajtami rurarca. Chaimandami Adanga na paipilla pensarishpa shujcunapipash preocuparina carca. Shinapash Taita Diosta na cazushpami Adanga juchayu tucurca. Ñucanchicunaca Adanba huahuacuna caimadami juchayu canchi, shujcunapipash na preocuparinchichu. Shinapash jipa punllacunapica Taita Diosca gentecunapa juchacunata anchuchingami. (Romanos 7:21, 24, 25, liipangui.)
Adanba culpamanda tucuicuna juchayu tucujpipash Taita Diosca gentecuna juchayucuna cachunga na munarcachu. Chaimandami Jesusta cai Alpaman cachamushpa ñucanchicunamanda huañuchun saquirca (Romanos 5:19). Jesús paipa causaita cushcamandami jipa punllacunapica gentecunaca jucha illa tucushpa shujcunapipash preocuparishpa cushilla causashun. (Salmo 37:9-11, liipangui.)