BIBLIAMANDA TAPUICUNA
¿Imamandata llaquicuna tian?
¿Pita Jesusta pandachingapaj munarca? (Mateo 4:8-10)
Tucuicunami ali cangapaj munan. Shinapash ¿imamandata ashtaca shuhuacuna, nali, millai gentecuna tian? Cada punllami nali noticiacunatalla ricunchi. ¿Pipa culpamandashi ashtaca nali gentecuna tian? (1 Juan 5:19, liipangui.)
¿Nali cosascunata rurashpa causachunllu Taita Diosca gentecunata rurarca? Gentecunata Taita Dios rurashpaca paiman rijchatami rurarca, juyaita ricuchichunmi rurarca (Génesis 1:27; Job 34:10). Ashtahuangarin, cada uno ima ali cashcata, ima nali cashcata agllachunmi rurarca. Adán y Eva Taita Diospa ejemplota catinapa randi nalita rurajpimi paipa huahuacunapash juchayu tucushpa nalita rurana munaitara charinchi. (Deuteronomio 32:4, 5, liipangui.)
Llaquicunaca ¿ima horapash tucuringacha?
Taita Diosca nali munaicuna ñucanchita mishachunga na munanllu (Proverbios 27:11). Chaimandami ñucanchitaca alita rurachun ayudan. Taita Dios ñucanchita ayudachun saquishpaca, paipa ejemplota catishpami cushilla causashun. Shinapash cunanbica Taita Diospa ejemplota ali ali catitaca na ushanchichu. ¿Ima horapash Taita Diospa ejemplota ali catita usharingacha? (Salmo 32:8, liipangui.)
Nalita rurana munaicuna ashtaca llaquicunata apamushcata cuenta japichunmi Taita Diosca saquishca. Shinapash shuj punllaca chai tucuilla llaquicunatami tucuchinga (2 Pedro 3:7-9). Ñallami cai Alpapica Taita Diospa ejemplota catij gentecunalla cushilla, ali causanga. (Salmo 37:9-11, liipangui.)