Salamo

1 E AO to te tangata, kare e aaere i te ako a te akono kore i te Atua, kare e tu i te arataa o te aronga rave ara ra, kare oki e noo i te nooanga o te aronga taitoito ra.

2 Ko tei inangaro ra i te ture a Iehova; e tei tana ture tona manako anga i te po e te ao.

3 E tau aia ki te rakau i tanumia ki te pae kauvai ra, ko tei ua i tona ra tuatau tikai, e ko tei kore roa i mae tona rau; ko tana katoa e rave ra, te meitaki ra ïa.

4 Kare mei te reira te akono kore i te Atua ra; e tau ïa ki te ota e pueu ua i te matangi ra.

5 E kore ei e mou te akono kore i te Atua i te akavaanga, e te rave ara i te uipa anga o te aronga tuatua-tika ra.

6 Te tau maira oki a Iehova i te aerenga o te aronga tuatua-tika ra; kareka te aerenga o te akono kore i te Atua ra, ko te mate ïa.