3 Ioane
1 TE orometua ra ko Ioane ia Gaio i akaperepereia ra, ko taku oki e aroa nei i te tuatua-mou.
2 E taku akaperepere e, te inangaro nei au kia manuia koe i te au mea ravarai, e kia maroiroi mei to vaerua e maroiroi na.
3 E rekareka maata toku i te aere anga mai o te au taeake ra, ko tei akakite mai i te tuatua-mou ia koe na, mei taau rai oki e akono i te tuatua-mou.
4 Kia kite au e, te aere ra taku au tamariki na te tuatua-mou, kare oku e rekareka anga maata atu.
5 E taku akaperepere e, e mea tika taau i rave i te au taeake ra, e te tangata ke ke katoa oki;
6 Kua akakite mai ratou i taua takinga-meitaki noou i mua i te aroaro o te ekalesia nei; e mea meitaki ïa ia koe kia tauturu koe ia ratou i to ratou tere, i tei tau i te tavini o te Atua:
7 No te mea no tona ingoa i aere ei ratou, kare i rave i ta te etene ra.
8 Kia āriki oki tatou mei te reira te tu e tikaʼi, kia riro tatou ei aronga rave angaanga katoa i te tuatua-mou nei.
9 I tata na au i te tuatua i te ekalesia na; ko Dioterepe ra, ko tei akateitei iaia uaorai ki rungao ia ratou ra, kare aia e āriki mai ia matou.
10 E teianei, kia tae atu au ra, kare e ngaro iaku tana e rave ra, i te tuatua aere anga ia matou i te tuatua akakino ra; kare oki e mareka i te reira anake ra, kare katoa aia uaorai e kite mai i te au taeake, e te aronga oki i inangaro maira, kua akakore aia, e kua tuku i te reira ki vao i te ekalesia.
11 E taku akaperepere e, auraka e aru atu i te tuatua kino, i te tuatua meitaki ra. Ko tei rave i te meitaki ra, no te Atua aia: ko tei rave i te kino ra, kare ïa i kite i te Atua.
12 Te akatikaia nei a Demeterio e te tangata ravarai, e te tuatua-mou katoa oki: e te akatika katoa nei matou; e kua kite oki kotou e e tuatua-mou ta matou akatika nei.
13 E manganui taku tuatua kia tata atu, kare ra au e tata atu i te tuatua ia koe i te peni e te inika:
14 Te manako nei ra au, e kite atu au ia koe kia roa poto ake, e kia aravei taua ka tuatuaʼi. Ei au toou. Te aroa atu nei te au oa nei ia koe. E aroa atu koe i te au oa na ma te akaiki atu i te ingoa.