Salamo

2 EAA te au etene i oripu uaʼi, e te au tangata nei i manako ei i te mea puapinga kore?

2 Te tu ra te ui ariki o te enua nei ki runga, e te kapiti katoa ra te ui rangatira e māro ia Iehova, e tana i akatainu ra,

3 Te na ko ra, Tatou e momotu i ta raua tapeka e taka ke atu, e akaruke takiri tatou i ta raua au taura ia tatou nei.

4 Ko tei noo ki runga i te au rangi ra te ka kata mai; ka taitoitoia ratou e te Atu.

5 Ei reira aia e tuatua mai ei kia ratou i tona riri, e tumatetenga roa akera ratou iaia i tona riri maata,

6 Te na ko maira aia, Kua akatainu ra au i taku ariki i runga i toku maunga tapu ra, i Ziona.

7 E akakite atu au i tei akonoia ra; kua tuatua mai a Iehova kiaku e, Ko taku Tamaiti koe; i nakonei koe i akaanauiaʼi e au.

8 Ka pati mai kiaku, e naku e oronga i te au etene ei tuanga naau, e te au enua openga ei apinga naau.

9 E ngaangaa ratou ia koe i te pāpā auri, e ungaungātiti roa ia koe mei te kapu a te potera ra.

10 E tenana, e te ui ariki ra, kia pakari kotou; e āriki i te ako, e te au akava o te enua nei.

11 E akamori ia Iehova ma te mataku; E rekareka, ma te rutetetete;

12 Ka ongi ana i te Tamaiti ra, ko te riri aea aia, mate iora kotou i te arataa ra; kare oki tona riri e roaia kua tupu; e ao to te aronga e irinaki iaia.