Salamo

127 KIA kore a Iehova e patu i te are ra, e angaanga puapinga kore ta te aronga i patu ra: kia kore a Iehova e tiaki i te oire ra, e ara anga puapinga kore to te tiaki ra. 2 E mea puapinga kore ia kotou kia tu ki runga i te akirata ra, e kia po roa ra ka moe ei, kai ua rai te kai aue ra; e oronga mai oki aia i te moe ki tona ra aronga akaperepere. 3 I na, te tamariki ra, e tuanga ïa no ko ia Iehova ra; ta te kopu i anau ra, e tutaki ïa. 4 Mei te kakao i te rima o te aronga ririnui ra, koia katoa te tamariki o te ou anga ra. 5 E ao to te tangata i ki tona pia kakao ia ratou! kare ratou e rokoia e te akama, ei te ngutupa ra ka pou ei to ratou au enemi.