Te Maara ra Ainei ia Koe?

Kua ariki ainei koe i te tatauanga i te au itiu i ou ake nei o Te Punanga Tiaki? Ka akara ana me ka rauka ia koe i te pau i te au uianga te ka aru mai:

• Eaa ra te au uianga tei uiia i roto ia Iobu pene 38 ka tau ei kia akamanakoia i teia tuatau?

E manganui te au angaanga takake ta te Atua e akamaara maira kare i marama katoa ia e te au taineti o teia tuatau. Kapiti maira ki teia e akapeea te gravity te tamou marie i te aere anga o te enua, eaa tikai te marama, eaa ra te tukeke o te au kiona rikiriki ope kore ra, akapeea te au topata ua i te akanoo angaia, e akapeea te ririnui i te o atu anga i roto i te au uriia mangungu.​—4/15, kapi 4-11.

• Eaa te au akaraanga Pipiria te ka tauturu ia tatou kia autu i te au manako papu kore ra?

Kua aro atura a Asapha, a Baruka, e Naomi i te au tuatau no te akamaroiroi kore me kare i tetai atu au manako papu kore, e ko te rekoti Tuatua Tapu no te autu meitaki anga ratou i taua au turanga ra ka rauka i te tauturu ia tatou.​—4/15, kapi 22-4.

• Eaa ra etai au mataara tau te ka tauturu i te au takaua Kerititiano?

Ka rauka i te au oa i te oronga i te tauturu ma te tu takinga meitaki e te marama. Penei e ka rauka i te au mema o te ngutuare me kare tetai atu i te oronga i te tauturu i te pae moni me kare te apinga materia, me te anoanoia ra te ngakau tae. Ka rauka katoa i te au oa Kerititiano i te tauturu na te orongaanga i te rima aroa o te piri anga oa, te orongaanga i te turu anga pae vaerua e te pumaana.​—5/1, kapi 5-7.

• Eaa ra ka puapinga maatai kia akaipoipo “kia tau ra i te Atu,” mei ta 1 Korinetia 7:39 e ako maira?

Te au akaipoipo ki te aronga akarongo kore ra kua akapapu putuputuia mai e e tumatetenga tikai. Pera katoa, te aruanga i teia ako anga tu-Atua e tumu ia no te tiratiratu ki te Atua ko Iehova. Me aru tatou i te Tuatua a te Atua, kare to tatou au ngakau e akaapa ia tatou. (1 Ioane 3:​21, 22)​—5/15, kapi 20-1.

• I te mea e ko Iehova ua te ka rauka i te akakore i ta tatou au ara, eaa ra te au Kerititiano ka aaki ei i te au ara kino ki te aronga pakari i roto i te putuputuanga?

Ae, te akakore anga a Iehova i te au ara kino ko te reira ta tetai Kerititiano e anoano ra i te kimi. (2 Samuela 12:13) Inara mei ta te peroveta ko Natana oronga anga i te tauturu kia Davida, ka rauka i te au tangata pakari i roto i te putuputuanga i te tauturu i te aronga tei tataraara. Te aereanga ki te aronga pakari e mea tau ia ma te arataki anga tei orongaia ia Iakobo 5:​14, 15.​—6/1, kapi 31.

• Eaa te akapapu anga e e mea tau kia akono tatou i te au matiroeroe e te au takaua tei anoano ra?

Kua akaari mai te rekoti o te tuatua enua e te orongaanga i taua tauturu e akairoia i te akamori tika i rotopu i te au Epera taito e te au Kerititiano mua. (Exodo 22:​22, 23; Galatia 2:​9, 10; Iakobo 1:27) Kua kapiti mai te apotetoro ko Paulo i roto i te au Tuatua Tapu i te au ikuiku anga marama no te au Kerititiano kia oronga i te tauturu no te au takaua tei anoano ra. (1 Timoteo 5:​3-16)​—6/15, kapi 9-11.

• Eaa te taviri no tetai oraanga mataora e te puapinga ra?

E mea tau kia tatanu tatou e te tamou i tetai pirianga tau ma Iehova, to tatou Metua i te rangi ra. Na te apiianga i te Pipiria ko tetai tauturu puapingaia i te raveanga tatou i te reira.​—7/1, kapi 4-5.

• E vaerua mate kore ainei to te tangata tataki tai te ka ora ua atu i te matenga?

Noatu e te irinaki ra etai au tangata e ko tetai vaerua​—kare ko tetai meta​—e mea mate koreia, kare ra te Pipiria i turu ana i teia manako. Te akaari maira e me mate tetai tangata, kua oki aia ki te one e kare e vai mai. Inara kua tamou te Atua i te tu kite kia akaokiia aia ki te ora, no reira no tetai atu manakonako anga no te oraanga ki mua, na roto i tetai akatuakaou anga, te vaira ki te Atua. (Koheleta 12:7)​—7/15, kapi 3-6.

• Teiea oki a Daniela i te timata angaia nga Epera e toru i runga i te ngai mataataa o Dura?

Kare te Pipiria i akakite mai. Penei e kare a Daniela i umuumuia kia aere atu no te mea no tona turanga opita, me kore penei e kua aere atu aia ki tetai ngai ke no tetai angaanga opita. Inara ka papu ia tatou e kare aia i tuku i tona tiratiratu kia Iehova.​—8/1, kapi 31.