Te Tu Ngateitei Rava Atu o te Aroa

I ROTO i te maata anga o te au akaraanga i roto i te Au Tuatua Tapu Ereni Kerititiano, me kare te Koreromotu Ou, te tuatua “aroa” e urianga no te tuatua Ereni a·gaʹpe.

I te akataka anga i te aiteanga o taua tuatua, te karanga ra te tataanga Insight on the Scripturesa e: “Kare te [a·gaʹpe] e tu manako ua, tei akatumuia ki runga ua i te pirianga, tei manako uaia ana, inara e aroa tau me kare e tu tei akatumuia ki runga i te akatika anga tikai i te anoano e tumu anga no te kaveinga, te angaanga, e te tu tika, i te kimi ngakau tae anga i te meitaki o etai te tau ra no te mea tika ra. Tei runga rava atu te a·gaʹpe (aroa) i te au makitakita, kare roa e akatika ana i teia mea nei kia akatupu i etai ke kia kopae i te au kaveinga tika e kia akaari mai i taua makitakita ra.”

Ka rauka katoa te a·gaʹpe i te kapiti mai i te manako oonu. “Kia aroa [a·gaʹpe] maata tikai i tetai e tetai,” i ako mai ei te apotetoro ko Petero. (1 Petero 4:8, NW) No reira, ka rauka i te tuatua e te kapitiia ra te a·gaʹpe ki te ngakau pera katoa ki te manako. Eaa ka kore ei e akamanako i etai au tuatua tapu te akaari maira i te mana e te maata o teia tu ngateitei no te aroa ra? Penei ka tauturu meitaki mai te au tataanga te aru maira: Mataio 5:43-47; Ioane 15:12, 13; Roma 13:8-10; Ephesia 5:2, 25, 28; 1 Ioane 3:15-18; 4:16-21.

[Tataanga Rikiriki i Raro]