Ka Piri Mai Ainei Koe ki te Angaanga Orometua i te Au Tapati?

1. Eaa ta tatou i kite mai mei ta Paulo e tona au oa i rave i Philipi?

¹ Te Sabati, e ra akangaroi no te maata anga o te ngati Iuda i Philipi. Te atoro ra a Paulo e tona au oa i te oire mei tetai au teretere anga mitinari. Kare e tangata i akaapa ana ia ratou no te akangaroianga mei te angaanga orometua i taua ra ra. Inara, kua kite ratou e te akaputuputu ra te ngati Iuda i vao i te oire no te pure, e kua taangaanga meitaki ratou i te reira atianga kia tutu atu kia ratou. Kua rekareka a Paulo e tona au oa e kua akarongo mai a Ludia e kua papetitoia aia e tona kopu tangata katoa! (Anga. 16:13-15) I te mea e e akangaroi ana te maata anga i te Tapati, eaa ka kore ei e taangaanga i tetai tuanga o teia ra kia tutu atu kia ratou?

2. Eaa te au akaaoanga ta te iti tangata o Iehova i autu kia tutu aere i te Tapati ma te kore e tamanamanata anga?

² Manamanata no te Tutuanga i te Tapati: I te mataiti 1927, kua akamaroiroiia te iti tangata o Iehova kia akapou i tetai tuanga i te au Tapati ki te angaanga orometua. Kua tupu mai te patoianga. Maata tei opuia i Marike no te aati i te ture o te Sabati, tei tamanamanata i te au e te okooko anga kare e tika anga. Kare ra te iti tangata o Iehova i akamutu ana. I te au mataiti 1930, kua akanoonoo ratou i tetai “au kamupeini akatuangaia” e kua piri mai te au papuritia mei te au putuputuanga takapini, kia angaanga ki te ngai tutuanga. Tetai au atianga te opuia anga te au papuritia, kare i rauka i te aronga mana i te tapu ia ratou no te maata ia ratou. Te ariki tikai ra ainei koe i ta te au taeake i rave kia rauka ia tatou te tutu aere i te Tapati ma te kore e tamanamanata anga?

3. Eaa ra te Tapati i riro ei ei ra meitaki no te angaanga orometua?

³ Ra Meitaki i te Tutu Aere: Maata te tangata i te kainga i te Tapati e akangaroi meitaki ra. Penei ka inangaro tetai aronga aere pure i te tuatua no runga i te Atua i taua ra ra. Me e uipaanga ta tatou i te Tapati, kua papa tatou mei te tu rai me aere ki te ngai tutu anga, no reira eaa ka kore ei e parani no te tutu anga i mua ake me kore i muri ake i te uipaanga? Me ka anoanoia, e akapapa i tetai manga kai ei apai naau.

4. Eaa te tu mataora ka kite mai tatou me akapou tatou i tetai tuanga o te Tapati ki te angaanga orometua?

⁴ Me taangaanga tatou i tetai tuanga o te Tapati no te angaanga orometua, ka vai rai tetai tuatau no tatou i te akangaroi. Ka akangaroi meitaki tatou ma te tu merengo no te piri anga ki te angaanga tapu. (Mase. 19:23) Ka kite mai tatou i te mataora mei ia Ludia rai!