Papa Ainei Koe me Tupu Poitirere Mai Tetai Rapakau Anga?
E tupu poitirere mai ana tetai rapakau anga ma te kore e akamatakite anga. (Iako. 4:14) No reira, ka akapapa meitaki tetai tangata manako pakari i te ka rauka iaia. (Mase. 22:3) Kua iki ainei koe i te au rapakau anga e te au ravenga taau ka ariki, e kua tata ainei koe i taau i iki? Ei tauturu ia koe, kua maaniia te vitio Transfusion-Alternative Health Care—Meeting Patient Needs and Rights, te rua o te akakiteanga tei runga i te DVD koia oki Transfusion-Alternatives—Documentary Series. Ia koe e akara ra i te reira, e akara me ka rauka ia koe i te pau i te au uianga ka aru mai. No te mea kua kapitiia mai te au tutu poto ua no te vavaianga, e mea tau kia matakite te au metua i te akarakara anga i te vitio ma ta ratou au tamariki rikiriki.
(1) Eaa ra te au tangata rapakau i akara akaou ei i te taangaanga anga i te pamuanga toto? (2) E oronga mai e toru akaraanga no te vavaianga ngata tei raveia ana ma te kore e pamuanga toto. (3) Eaa ra te au tauatini ua atu au taote e te au taote vavai takapini i te ao nei i inangaro ei i te akono i te aronga maki ma te kore e pamuanga toto? (4) Eaa te au apii a te are maki tei rave uaia akenei i kite mai no runga i te taangaanga anga i te toto? (5) Eaa te au mea kino i te pae vairakau te piri atura ki te pamuanga toto? (6) Eaa ta te aronga karape e manganui i marama mai no runga i te puapinga o te au ravenga ke atu o te pamuanga? (7) Eaa te akatupu ra i te anemia, e eaa te ka rauka kia raveia ei mono atu i te reira? (8) Akapeea e rauka ai i te akamaata mai i te au teera toto muramura i roto i te kopapa o tetai tangata maki? (9) Eaa te au ravenga e taangaangaia ana kia akaiti mai i te toto e pou ra i te tuatau o te vai anga? (10) Ka puapinga ainei te ravenga ke atu o te pamuanga no te tamariki ou me kore no te au tangata tei o atu ki roto i tetai au tupuanga kino tapapa koreia o te oraanga? (11) Eaa tetai au kaveinga maata no te ravenga rapakau anga meitaki?
I te mea e tei runga i to tatou akava ngakau i te ariki i tetai au rapakau anga i runga i te vitio, auraka e tiaki kia tupu rava mai tetai mea tapapa koreia e iki ei koe i taau ka ariki me kore kare e ariki. Ka tauturu mai te pene 7 o te puka “God’s Love” e tetai atu au ngai tei taikuia mai, pera katoa te kapi i roto ake i Ta Tatou Angaanga Patireia o Noema 2006 ia koe kia rave i te au ikianga. E oti, me kua papetitoia koe, e tata i taau ikianga ki runga i te kati HCD, e kia apai aere i te reira i te au taime ravarai.
[Tataanga i te kapi 5]
Kua iki ainei koe i te au rapakau anga e te au ravenga taau ka ariki e kia tata i teia ki raro?