Au Kite o Iehova—Angaanga ra te Akarongo, Tuanga 1: Mei Roto Mai i te Poiri
I roto i te Pipiria, e akaaiteia ana te marama ki te tuatua mou, e e akaaiteia ana te poiri ki te pikikaa. (Sala. 43:3; Isa. 5:20) Kua akatotoa mai a Satani i te poiri ki roto i teianei ao i te akavare anga aia ia Eva, e kua tuku atu aia i te au tangata ki roto i te poiri tangotango pae vaerua. (Apo. 12:9) Te akakite maira te vitio Jehovah’s Witnesses—Faith in Action, Part 1: Out of Darkness e akapeea te marama pae vaerua te kaka mai anga mei roto mai i te poiri. (Isa. 60:1, 2) Muri ake te akara anga i te vitio, ka rauka ainei ia koe te pau i teia au uianga?
(1) Akapeea te poiri tangotango pae vaerua te tupu mai anga i muri ake te mate anga o te au apotetoro? (2) Akamataanga i te mataiti 1100, eaa te au tupuanga tei tauturu i te au tangata kia marama e kare te au akonoanga e apii ra i te tuatua mou? (3) Koai ma a Henry Grew e George Storrs? (4) Eaa te au mea i tupu ana i roto i te oraanga o Charles Russell tei akakeu maata iaia? (5) Akapeea te Taeake Russell, tona papa, e tetai au taeake i te rave anga i ta ratou pupu apii Pipiria, e eaa te au Tuatua Tapu ta ratou i marama mai? (6) Akapeea teia pupu apii Pipiria te kapiti atu anga ki te pupu o Nelson Barbour, inara eaa tei akatupu i te Taeake Russell kia akaatea mai iaia ki vao? (7) Eaa tei tupu i roto ia Tiurai 1879 tei akamata mai i tetai tuatau ou no te marama anga i te tuatua mou? (8) I muri ua ake, eaa ta te Aronga Apii Pipiria e maata ua maira, e rave ra i te akatotoa anga i te tuatua meitaki? (9) Te au mataiti e manganui i mua atu, eaa ta te Aronga Apii Pipiria e tapapa ra kia tupu mai i te mataiti 1914? (10) Eaa te au akaaoanga ta te Aronga Apii Pipiria e aro atura i muri ake te mate anga te Taeake Russell? (11) Eaa ta te Aronga Apii Pipiria i rave i muri ake te tukuia mai anga te Taeake Rutherford e tona au oa ki vao i te are auri? (12) Akapeea teia vitio i te akamaata anga i toou marama e te ariki rekareka anga i ta Iehova akaaereanga? (13) Akapeea teia vitio i te akaketaketa anga i taau tauta anga kia maroiroi ua atu i te tutu aere noatu te au arairaianga? (14) Akapeea koe me taangaanga i teia vitio i te tauturu i to tatou pamiri, aronga apii Pipiria, e tetai ke?
E apinga akaperepere tikai ta te au Aronga Apii Pipiria mua i akaruke mai na tatou! I roto i tetai ao poiri i te pae vaerua, kua riro ratou ei aronga mataku kore e te maroiroi i te akakitekite anga i te tuatua mou. Kia aru tatou i to ratou akaraanga e kia “aaere ua atu ei tamariki no te marama.”—Ephe. 5:8, NW.