Au Kite o Iehova—Angaanga ra te Akarongo, Tuanga 2: Kia Akatotoa i te Marama Kia Kaka
Muri ake te tukuia mai anga te Taeake Rutherford e tona au oa mei roto mai i te are auri i te mataiti 1919, te vai ra tetai angaanga maata i mua na te Aronga Apii Pipiria. Mei te akaariia ra i roto i te vitio Jehovah’s Witnesses—Faith in Action, Part 2: Let the Light Shine, e maata te aronga ka patoi i te Aronga Apii Pipiria, e ka marama maata atu ratou i te au Tuatua Tapu, e ka meitaki atu to ratou akarongo. (Mase. 4:18; Mala. 3:1-3; Ioa. 15:20) Muri ake i te akara anga i te vitio, ka rauka ainei ia koe i te pau i teia au uianga?
(1) Eaa te au ravenga ta te Aronga Apii Pipiria i taangaanga no te akatotoa anga i te tuatua meitaki? (2) Eaa tei akakiteia i ko i te au uruoaanga takake i te mataiti 1931 e te 1935? (3) Eaa te au manako puapinga tei uriuriia i roto i te itiu o The Watchtower o Noema 1, 1939? (4) Akataka mai eaa tei tupu i ko i te Madison Square Garden i te tuatau o te akoanga a te Taeake Rutherford, no runga i te “Kavamani e te Au.” (5) Eaa ra i puapinga ai te akoanga a te Taeake Knorr, no runga i te “Au—Ka Tupu ua Atu Ainei?” (6) I te mataiti 1942, eaa te au parani ta te Au Kite o Iehova i rave no te akamaataanga i te angaanga tutuanga? (7) Akamarama mai i tetai o te au taumaroanga akavaanga tei raveia i Marike, Kanata, e Ereni. (8) Eaa te akakeuanga ta te apii Gileada i rave no te akamaataanga i te angaanga tutuanga? (9) Eaa te angaanga puapinga tei akamata i te mataiti 1946, e no teaa ra? (10) Eaa te au takainga ta te Au Kite o Iehova i rave i te akapapu e te rotai ra to ratou tu ki te au turanga i roto i te Pipiria? (11) Akamarama mai i tetai o te au akatikatikaanga tei raveia i te mataiti 1970 kia akapapu e te aru vaitata ra te akaaerenga i te au tu o te Pipiria. (12) Akapeea te akara anga i teia vitio te akamaataanga i toou tu ariki rekareka e ko Iehova te akatere pu ra i teia akaaerenga? (13) Akapeea teia vitio te akaketaketa anga i taau tautaanga kia tutu maroiroi ua atu rai noatu te au arairaianga? (14) Akapeea tatou me taangaanga i teia vitio i te tauturu i to tatou kopu tangata, aronga apii Pipiria, e tetai ke?
Te au ra tataki tai i topa, te kapitiia maira te au tupuanga umere o te oraanga o te Au Kite o Iehova i roto i te tuatua enua. Eaa ta te reira e akakite maira no runga i ta tatou tautaanga i roto i te angaanga orometua? Mei ta to tatou au taeake e rave ra i te tuatau i topa, kia maroiroi ua atu rai tatou i te akatotoa atu i te “mārama kia kakā”!—2 Kori. 4:6.