Akaari i te jw.org i Roto i te Angaanga Orometua​—“Kia Riro ei oa no Iehova”

Runga i te jw.org, e tuanga ta te tamariki “Kia Riro ei oa no Iehova,” e kua kapitiia mai te au imene, vitio, e te au angaanga ke. Kua akaari ainei koe i teia i roto i te angaanga orometua? Me te apii ra koe i te Pipiria ki tetai metua e e tamariki rikiriki tana, e akaari i te reira. Penei ka akakeuia aia kia akara i tetai au ngai i runga i ta tatou Web site.

Te tuʼa aere anga tetai taeake i te Tuatua Patireia Nu. 38, kua inangaro tetai vaine i te tatau i te reira. Inangaro katoa tana anau i te kite e eaa to roto i te aenga pepa. I reira, kua uriuri poto te taeake no runga i te au manako i roto e kua akaari i te kapi openga no runga i ta tatou Web site. No te inangaro o te vaine i te tatau i te aenga pepa, kua akaari te taeake i te vitio o Karepa mei runga i tana tereponi apaipai kia akara te vaine e tana anau.

Akakite tetai tuaine ki tona oa angaanga no runga i ta tatou Web site e te au mea i roto no te au ngutuare tangata. Kua akara te oa e tana anau i te jw.org. Tetai rā kua akakite mai te oa ki te tuaine e te imene aere ra tana anau i te imene “Preach the Word,” tetai imene mei roto i te tuanga “Kia Riro ei oa no Iehova.”

Akamatau ia koe ki teia tuanga i runga i te jw.org e kia kopi i tetai vitio, imene, me kore au angaanga ke ki runga i taau tereponi apaipai me kore tablet. Ka papa ua koe i reira i te akaari i teia tuanga o te jw.org i roto i te angaanga orometua. E ravenga puapinga teia i te tauturu ia tatou kia tavini i te Atu!​—Anga. 20:19.