Akapapa no te Akamaaranga ma te Ngakau Rekareka
1. E taime rekareka te tuatau Akamaaraanga no te rave i teaa?
1 Te Akamaaraanga a te Ruirua, Mati 26, e atianga puapinga tikai teia no tatou kia rekareka i ta te Atua i rave, kia rauka ia tatou te ora. (Isa. 61:10) Ka riro katoa te tuatau i mua ake i te akamaaraanga ei taime rekareka i te akapapa meitaki ia tatou. Mei teaa ra te tu?
2. Eaa te akakeu ana ia tatou kia rave i te au akapapaanga no te Akamaaraanga?
2 Akapapa Anga no te Akamaaraanga: E akakoroanga puapinga maata tikai te Kaikai Anga Aiai a te Atu, kareka ra e akamaaraanga tau ua. Ka anoanoia rai kia parani tatou i mua ake, kia kore e ngaropoina tetai au mea puapinga. (Mase. 21:5) Ka anoanoia kia akataka i te taime e tetai ngai tau. Kia akapapu katoa e kia rauka mai te au apinga tikai ka anoanoia no te oroa. Kia tama e kia akapapa i te ngai no te uipaanga. Ka anoanoia te taeake nana te ako kia akapapa meitaki, e te au taeake na ratou e tua, pera te au taeake raverave, kia kite e eaa ta ratou tuanga angaanga. Kare e ekoko e kua raveia ana teia au mea i mua ana. No to tatou ngakau rekareka i te ravenga oko i akakeu ei ia tatou kia akapapa meitaki no teia atianga tapu.—1 Pete. 1:8, 9.
3. Ka akapeea tatou i te akapapa anga i to tatou ngakau no te Kaikai Anga Aiai a te Atu?
3 Akapapa Anga i te Ngakau: Ka anoano katoaia tatou kia marama e mei teaa tikai te puapinga maata o te Akamaaraanga. (Ezera 7:10) No reira e mea tau kia akataka i tetai taime kia tatau i te tatauanga Pipiria no te Akamaaraanga, e kia akamanako no runga i te au ra openga o to Iesu oraanga i te enua nei. Na te akamanako anga oonu ki runga i to Iesu tu akaatinga e akakeu ia tatou kia aru iaia.—Gala. 2:20.
4. Ko teea puapinga ka rauka na roto i te oko te ka akatupu i te rekareka maata kia koe?
4 Akapapu te mate o Karaiti e ko Iehova te tutara ngateitei rava atu. Akaora mai te reira ia tatou mei te ara e te mate. (1 Ioa. 2:2) Akatuera mai i te mataara kia rauka ia tatou te pirianga au ki te Atua e te ora mutu kore. (Kolo. 1:21, 22) Tauturu katoa ia tatou i te akatupu i ta tatou akatapuanga kia Iehova, e kia vai ngaueue kore ua ei au pipi na Karaiti. (Mata. 16:24) Ia koe e akapapa ra no te Akamaaraanga, kia maata ua atu rai toou rekareka!