‘E Akapera ua Rai Kotou’
Ka Raveia te Akamaaraanga ia Aperira Ra 5
1. Eaa ra i puapinga ai i te akono i te Akamaaraanga?
1 ‘E akapera ua rai kotou ei manako anga iaku.’ (Luka 22:19) Na roto i taua au tuatua ra, kua akaue a Iesu i tana au pipi kia akamaara i tona mate akaatinga. Na te akamanako anga i ta te oko i akatupu mai, kare e ra meitaki atu me kore puapinga atu ki te au Kerititiano, mari ra ko te akono anga i te Akamaaraanga o te Mataiti. E vaitata maira te akamaaraanga o te mataiti i te ra 5 o Aperira, akapeea tatou me akaari i te tu akameitakianga kia Iehova?—Kolo. 3:15.
2. Akapeea tatou me akaari i te tu akameitakianga no te Akamaaraanga na roto i te apiianga e te akamanako oonu anga?
2 Akapapa: E akapapa ana tatou i te au mea te puapinga ra kia tatou. Kia akapapa tatou i to tatou ngakau no te Akamaaraanga, e kia akamanako te pamiri i te au mea i tupu ana i te au ra openga o to Iesu oraanga i te enua nei, e kia akamanako oonu no runga i te reira. (Ezera 7:10) Ka kiteaia tetai tuanga o te papaanga o te au irava i runga i te karena e i roto i te Examining the Scriptures Daily, me kore i roto i te au pene o te puka Te Tangata Maata Rava Atu, pera katoa i te kapi 23-24 o The Watchtower o Peperuare 1, 2011.
3. Akapeea tatou me akaari i te tu akameitakianga no te Akamaaraanga na te akamaata anga i ta tatou angaanga orometua?
3 Tutuanga: Ka rauka katoa ia tatou i te akaari i te akameitakianga na te piri pu anga ki roto i te angaanga orometua. (Luka 6:45) Ka akamata tetai angaanga kamupeini i te ao katoa i te Maanakai, ra 17 o Mati, no te pati anga i te au tangata ki te Akamaaraanga. Ka rauka ainei ia koe i te akatano i taau au angaanga kia akapou maata atu i tetai taime ki te angaanga orometua, penei ei painia tauturu? Eaa ka kore ei e uriuri kapiti i te reira i te tuatau o te Akamorianga a te Ngutuare i te aiai ka aru mai?
4. Eaa te au mea puapinga ka rauka mai ia tatou mei te akono anga i te Akamaaraanga?
4 Akapeea tatou e puapingaia ai mei te akono anga i te Akamaaraanga i te au mataiti ravarai! Ka maata atu to tatou mataora e te inangaro i te Atua ia tatou e akamanako ra i to Iehova tu takinga aroa i te oronga mai anga i tana tamaiti anau tai ei oko. (Ioa. 3:16; 1 Ioa. 4:9, 10) Ka akakeu teia ia tatou kia kore e akono i to tatou uaorai anoano. (2 Kori. 5:14, 15) Ka akakeu katoa te reira i to tatou inangaro kia akapaapaa ia Iehova i te ngai tangata. (Sala. 102:19-21) E tika rai, te tapapa atura te au tavini ariki rekareka o Iehova i te akono i te Akamaaraanga i te ra 5 o Aperira kia ‘akakite i te matenga o te Atu.’—1 Kori. 11:26.