Tuatua Patireia Nu. 38 Kia Tuaia i Roto ia Noema!
1. Eaa te au uianga a te tangata no runga i tei mate, e ka akapeea te pau anga i teia au uianga i roto ia Noema?
1 E enemi te mate no te au tangata ravarai, noatu eaa to ratou irinakianga. (1 Kori. 15:26) E manganui te umere nei e me teiea ra tei mate, e me ka kite akaou ratou i teia au tangata. No reira te au putuputuanga takapini i teia ao, ka piri atu ei ki te tua aere anga i te Tuatua Patireia Nu. 38, tumu manako Ka Ora Akaou Tikai Ainei Tei Mate? Ka akamata teia kamupeini puapinga a te ra 1 o Noema. Muri ake i teia tua anga takake, ka taangaangaia teia Tuatua Patireia Nu. 38 i roto i te angaanga orometua.
2. Mei teaa ra te tu i maaniia ai te Tuatua Patireia Nu. 38?
2 Tu i Maaniia ai te Reira: Kua maaniia te Tuatua Patireia Nu. 38 kia rauka i te aatu i rotopu, kia akaari mai a mua i te tumu manako, e te au tuatua “Ka karanga ainei koe e . . . ae? kare? penei?” Me eeu mai te tangata tatau i te Tuatua Patireia, ka kite aia i ta te Pipiria pauanga no te uianga o te tumu manako, e ta te Pipiria e taputou maira nona. Ka kite katoa aia i te au tumu tau nona kia irinaki i te Pipiria. E au uianga puapinga to muri i te Tuatua Patireia, nona kia akamanako e te pati maira iaia kia akamaata atu i tona marama na roto i te apii.
3. Ka akapeea te tua aere anga i te Tuatua Patireia Nu. 38?
3 Te Tua Anga: Aite rai teia kamupeini ki te au kamupeini o te tua anga i te au patianga no te Akamaaraanga e te uruoaanga tapere. Na te aronga pakari e akakite mai e ka akapeea me rave i teia i te ngai tutu a te putuputuanga, kia tau ki te reta o Aperira 1, 2013 i tataia atu kia ratou. Te au putuputuanga kare e maata ana ta ratou ngai tutu, kia tauturu atu i te au putuputuanga e maata ta ratou ngai tutu i te pae mai. Me tiki i taau Tuatua Patireia Nu. 38, e apai ua i te ka anoanoia no te epetoma okotai. I te tuatau o te kamupeini, me oti pouroa te au ngai tutu mei tera are ki tera are, i reira ka tua ai i te au kopi me akakitekite aere i te ngai papuriki. Me pou te au kopi katoatoa i te tua i mua ake i te openga marama, e oronga i te au puka tei akatakaia. Te Maanakai mua, ko te kamupeini ua ta tatou ka rave, kare tatou e akamata apii Pipiria. Te au openga epetoma, kia oronga katoa tatou i te au makatini me inangaroia. Te parani ra ainei koe i te piri atu ki roto i teia kamupeini puapinga?