Akakitekiteanga no te Akamaaraanga te ka Akamata i te Ra 1 o Mati
1. Aea tatou e akamata ai i te akakite i te Akamaaraanga, e eaa ra i roa ai te kamupeini i teia mataiti?
1 A te Varaire, ra 1 o Mati, ka akamata ta tatou kamupeini no te mataiti, kia pati i te tangata kia piri mai no te Akamaaraanga. Ka raveia te Akamaaraanga i te ra 26 o Mati, te aiteanga ka roa atu te kamupeini i to te au mataiti i topa. Ka maata atu i reira te au patianga no te tangata, te aronga tikai e noo ra i te ngai e maata te ngai tutuanga a te putuputuanga.
2. Eaa te au akanoonooanga kia rauka te au patianga, kia kapiia te ngai tutuanga?
2 Akanoo Meitaki: Na te aronga pakari e oronga i te aratakianga, akapeea me kapi i te ngai tutuanga, e me ka akaruke i te au patianga i ko i te au ngutuare kare e tangata. Me kare te au patianga i pou i te tua aere me oti te tutuanga mei tera are ki tera are, oronga atu i te reira me akakitekite i te ngai tangata. Na te akaaere tavini e akapapu e kia tukuia tetai au patianga ki runga i te ngai vairanga o te makatini, kia apai te au papuritia, kare ra te au patianga e tuku pouroaia mai ki vao e tai taime. E apai ua tatou i te ka rava no te epetoma.
3. Eaa ta tatou ka akamaara me oronga i te patianga?
3 Eaa ta Tatou ka Tuatua? E meitaki kia tapoto i ta tatou tuatua, e na teia tu e taeria e tatou te maataanga o te tangata. E tuatua akatutuanga tetai i te kapi 4 te ka rauka ia tatou i te akatano ki ta tatou ngai tutuanga. E tika, me e tangata oaoa te tangata ngutuare me kore e au uianga tana, kare tatou e akaruke viviki. Me rave tatou i teia i te au openga epetoma, e oronga katoa i te au makatini. A te ra 2 o Mati, ka oronga tatou i te au patianga na mua, i to te akamata i te au apii Pipiria.
4. Eaa ra tatou ka piri maroiroi ei ki roto i teia kamupeini?
4 Ka inangaro tatou kia maata te tangata me piri mai kia tatou no te Akamaaraanga. Ka akamaramaia mai na roto i te akoanga e koai tikai a Iesu. (1 Kori. 11:26) Ka akamarama katoaia mai akapeea tona mate te tauturu anga ia tatou. (Roma 6:23) E ka akakiteia mai e eaa ra i puapinga ai kia akamaara tatou iaia. (Ioa. 17:3) Kia piri maroiroi tatou ki roto i teia kamupeini!