Akaari i te tu Takinga Meitaki (Mata. 12:35a)

Kare e ekoko e e mea inangaro na tatou pouroa i te oronga atu i te au “mea meitaki” ki etai ke na te akaari anga i te tu “takinga-meitaki.” (Roma 12:13) Kua akakiteia ki te aronga pakari kia akanoo i te akaraanga i te tutaki anga i te penitini no te au taeake ka aere mai i te rave i tetai ako e kia maani i tetai katikati na ratou. Tera ra, penei ka emiemi tatou i te akaari i te takinga meitaki ki teia au taeake no te mea kare ta tatou moni e rava ana me kore e emiemi ana tatou i te tangata me aere mai ki te kainga. No reira, na te akamanako anga no runga i te ako a Iesu kia Mareta e tauturu ia tatou kia akakore i teia tu. (Luka 10:39-42) Kua taiku a Iesu e ko te taokotaianga e te akamaroiroianga te “tuanga meitaki” no te tu takinga meitaki, kare ko te kai me kore te are. Me aru tatou i teia ako, ka rauka ia tatou katoatoa i te oronga atu i te “mea meitaki” no to tatou au taeake kia tau ki te Tuatua a te Atua.​—3 Ioa. 5-8.