AU MEA UMERE I ROTO I TE PIPIRIA | MASELI 1-6

“E Irinaki Kia Iehova ma To Ngakau Katoa”

Kua tau rai Iehova kia irinaki pu tikai tatou iaia. Ka riro te aiteanga o tona ingoa ei akamatutu to tatou irinakianga i roto iaia kia akatupu i tana au taputou. E mea puapinga te pure ei akaketaketa i to tatou irinakianga i roto iaia. Akapapu mai te Maseli pene 3 e ka akameitaki a Iehova ia tatou na te akatikatika anga i to tatou arataa.

Ko tei pakari i roto i tona uaorai manako . . .

3:5-7

• ka rave aia i tana uaorai ikianga ma te kore e kimi i ta Iehova aratakianga na mua

• ka irinaki aia i roto i tona uaorai aerenga manako me kore i to teianei ao

Ko tei irinaki i roto ia Iehova . . .

• ka akatupu aia i tetai pirianga tumanava kia Iehova na roto i te apii Pipiria, te akamanako marie i te reira, e te pure

• ka umuumu aia i ta Iehova aratakianga na te kimi anga i te au kaveinga Pipiria ka tau me rave i tana au ikianga

[Tutu i te kapi 2]

TEEA TE TUANGA E AKATAKA MAIRA I TE TU E RAVE ANA AU I TAKU IKIANGA?

TAI: Ka iki au i taku i manako e ko te mataara tau

RUA: Ka pati au kia Iehova kia akameitaki mai i taku ikianga

TAI: Ka umuumu au i ta Iehova au aratakianga na roto i te pure e te apii

RUA: Ka iki au i te mataara e rotai ra ki te au kaveinga Pipiria