ORAANGA KERITITIANO

Tu Mako i ko i te Ngutupa

Ko te au Kerititiano, e “akaraanga na to te ao.” (1 Kori. 4:9) No reira kare tatou e poitirere e te akara maira te tangata ia tatou na roto i to ratou maramarama me kore te akarongo maira i muri i te ngutupa. Penei e nenei to ko i tera are e ka kite uaia mai tatou e ka rongoia mai ta tatou tuatua. Teia tetai au mataara i te akaari i te tu mako i ko i te ngutupa o te tangata.—2 Kori. 6:3.

TO TATOU TU (Phili. 1:27):

• Akangateitei i te pu ngutuare, eiaa e aroro ki roto i te are. Eiaa e kaikai e te inu vai, eiaa e ringi me kore e tuku karere me tu i ko i te ngutupa

TA TATOU TUATUA (Ephe. 4:29):

• I ko i te ngutupa, eiaa e tuatua i tetai mea kare e tau kia rongo mai te pu ngutuare. Penei kare tatou e inangaro i te pukapuka, mari ra kia akamanako ua no runga i ta tatou ka tuatua ki te pu ngutuare

Eaa tetai au mataara ke mai ka rauka ia koe te akaari i te tu mako i ko i te ngutupa?