ORAANGA KERITITIANO

Tereni ia Ratou Kia Tavini ua Rai ia Iehova

Te aronga tei tereniia mei te akamataanga mai kia piri putuputu ki te angaanga orometua, kua riro mai ei aronga tutu evangeria maroiroi e te uua. (Mase. 22:6; Phili. 3:16) Teia tetai au manako ei tauturu i tetai tangata apii kia akamou i tetai turanga matutu no te angaanga orometua:

• Me ārikiia taau tangata apii ei papuritia, akamata i te tereni iaia. (km 8/15 1) Akapapu kia kite aia i te puapinga o te piri ua rai ki te angaanga orometua i te au epetoma. (Phili. 1:10) Taau ka tuatua no te ngai tutu evangeria, kia riro ei akamatutu iaia. (Phili. 4:8) Akamaroiroi iaia kia angaanga kapiti ki te au akaaere e te au taeake tukeke ei akamaata atu i tona karape.—Mase. 1:5; km 10/12 6 ¶3

• Muri ake i te papetitoanga o taau tangata apii, eiaa e akamutu i te akamaroiroi e te tereni iaia i te angaanga orometua, me kare i pou ake iaia i te apii i te puka “Aroa o te Atua.”—km 12/13 7

• Taangaanga i tetai akatutuanga mama ua me angaanga kapiti koe e tetai taeake me kore tuaine ou i roto i te angaanga orometua. Me oti tana akatutuanga, akameitaki iaia. Oronga atu i tetai au manako ei tauturu iaia kia meitaki atu tona karape e kia uua roa atu aia.—km 5/10 7