ORAANGA KERITITIANO
Akamaata atu i to Tatou Karape i te Tutu Aere—Atoro i te au Tangata Pouroa
TUMU I PUAPINGA AI: Kua totou a Zekaria e ka ariu mai te tangata o te au reo ravarai o te pa enua ki te tuatua meitaki. (Zeka. 8:23) Naai ra ratou e apii? (Roma 10:13-15) Tei ia tatou tera tikaanga e te apainga no te akakite i te tuatua meitaki ki te katoatoa.—od 84 ¶10-11.
PEEA ME RAVE I TE REIRA:
• Akapapa. E aravei ana koe i te tangata tuatua reo ke? Taangaanga i te JW Language app, kia kite koe akapeea me rave i tetai akatutuanga mama ua. Akaari i roto i taau tablet akapeea te tangata e tuatua atura koe, me kimi i tana ka inangaro i roto i tona reo i runga i te jw.org
• Akara mei teaa te tu. Me aere mei tera are ki tera are, e akapuapinga i te au atianga ravarai. Tuatua ki te tangata me kore te aronga e noo ra i roto i to ratou motoka. Me tutu aere koe i te ngai tangata, akamou ki toou akakoroanga kia akakite i te Patireia
• Aruaru. E oki ua rai te atoro i te aronga kare i te kainga. Tauta kia tuatua atu ki tetai tangata i te au ngutuare ravarai, penei e taui te ora me kore i te rā ka oki koe. Tetai au pu ngutuare, ka tau kia tata i tetai reta me kore kia ringi ia ratou e penei me aravei tatou i te pae mataara
• Oki e atoro. E oki vave e atoro i tetai ua atu tei inangaro i te karere. Me e tangata tuatua reo ke, kimi i tetai taeake tukatau kia tauturu iaia i roto i tona reo. E oki ua rai koe e atoro i tera tangata e tae ua atu ki te taime ka aravei ei raua ko te taeake ka kite i tona reo.—od 94 ¶39-40
AKARA I TE VITIO PREACHING IN “THE MOST DISTANT PART OF THE EARTH,” E OTI URIURI I TE AU UIANGA:
• Akapeea te au taeake e te au tuaine i te akapapa anga ia ratou kia tutu aere ki te tangata i te au ngai mamao? (1 Kori. 9:22, 23)
• Eaa te au turanga ngatā tei anoanoia ratou kia kopae?
• Eaa te au akameitaki anga tei rauka ia ratou?
• Eaa taau ka rave kia maata atu te tangata ka rauka ia koe te akakite i te Patireia?
[Tutu i te kapi 8]
▸ E akapapu te akaaere angaanga orometua kia angaanga putuputuia te ngai tutu evangeria pouroa a te putuputuanga. Kua akanoo tetai au pupu aronga pakari i tetai au rā i te marama, no te au taeake kia akapou i te rā katoa i te tutu aere i te au ngai kare e angaanga putuputuia ana, e kua puapingaia.