Akaaereia Kia Tutu Aere ki te Katoatoa

Mei to Iseraela i akaaereia e Iehova, te akaaere nei aia i tona iti tangata i teia tuatau kia rave i tona anoano. Teianei ao, kua riro te au opati Betela, te au kotinga, te au putuputuanga, e te au pupu ei akatotoa atu i te angaanga tutu aere i te nuti meitaki. Ka tutu aere tatou ki te katoatoa, kapiti mai te aronga reo ke.​—Apo. 14:6, 7.

I manako ana ainei koe no te apii i tetai reo ke ei tauturu i tetai kia kite i te tuatua mou? Noatu me kare oou taime no te apii i tetai reo, ka rauka ia koe te taangaanga i te JW Language app no te akamata i tetai uriuri anga. I muri ake ka taangaangaia ai te reira, ka rekareka koe mei tei tupu ki te au taeake i te anere mataiti mua, te umere anga te tangata mei te enua ke i “te tuatua anga mai i te peu taka ke a te Atua” i to ratou reo.​—Anga. 2:7-11.

AKARA I TE VITIO KIA RIRO EI OA NO IEHOVA​—TUTU AERE I TE REO KE, E OTI PAU I TEIA AU UIANGA:

• 

  Eaa te taime tau no te taangaanga i te JW Language app?

• 

  Eaa te au tuanga i roto i reira?

• 

  Eaa te au reo e tuatuaia ana i toou ngai?

• Eaa taau ka rave me inangaro tetai tangata reo ke i te karere Patireia?​—od 94-95 ¶39-41