“Kia Vai Matakite Kotou”

25:1-12

Noatu kua akakoro a Iesu i te parapore o te tai ngauru paretenia no te aronga akatainuia, ka riro katoa ei apiianga no te au Kerititiano pouroa. (w15 3/15 9-14) “E teianei, kia matakite ia kotou, kare kotou i kite i te rā, e te ora.” (Mata. 25:13) Ka rauka ia koe te akamārama i ta Iesu parapore?

• Tane akaipoipo (irava 1)—Iesu

• Aronga akatainuia, paretenia pakari (irava 2)—Te au Kerititiano akatainuia tei papa i te rave i ta ratou angaanga ma te tiratiratu e tei kakā mei te rama e tae ua atu ki te openga (Phili. 2:15)

• Te kapiki: “Te aere mai nei te tane akaipoipo” (irava 6)—Akapapuanga no to Iesu tae anga mai

• Te au paretenia neneva (irava 8)—Ko te au Kerititiano akatainuia tei aere i te aravei i te Tane akaipoipo kare ra ratou i matakite e kare i vai tiratiratu

• Te au paretenia pakari kare i oronga i ta ratou inu (irava 9)—I muri ake i te akairo openga, kare e rauka i te aronga akatainuia tei vai tiratiratu i te tauturu i te aronga akarongo kore

• “Tae maira taua tane akaipoipo” (irava 10)—Tae mai a Iesu kia akautunga i te aronga akarongo kore i muri ake ka ope ei te mate maata

• Tomo te au paretenia pakari e te tane akaipoipo ki roto i te oroa akaipoipoanga ra; topiriia iora te pa (irava 10)—Āriki a Iesu i te aronga akatainuia tei vai tiratiratu ki runga i te rangi, inara te aronga akarongo kore kua ngere i teia tikaanga